عمرو أديب يوضح وعد الرئيس قبل الانتخابات المقبلة
علق الإعلامي عمرو أديب؛ على تصريحات الرئيس عبد الفتاح السيسي خلال مؤتمر حكاية وطن والتي تحدث خلالها عن الازمات التي تعاني منها البلاد.
وقال أديبب خلال برنامج "الحكاية" المذاع على قناة "أم بي سي مصر": "مدخل الفهم أن انا بقولك والله دا اللي أنا قدرت أعمله لغاية النهاردة أيه رأيك؟ بس خليني اشرحلك الحكاية أنت مثلا ممكن تكون شايف أن الكهربا بتقطع فاحكيلك حكاية الكهربا أو شايف إن الأسعار غالية فانا احكيلك الأسعار غالية ليه".
وأضاف: "في أغلب الأحيان ودي الرئيس أشار إليها أنت متعرفش التفاصيل؛ النهاردة الرئيس قرر بشكل واضح أن أنا هقولك أحنا بنشتري بكام ونبيع بكام؛ اليوم كله النهاردة الرئيس بيقولك دي دولة امكانياتها أقل كثيرا من طلباتها أن أنا عايز اعمل أشياء ولكن مش قادر أوفي الأشياء لأن القدرات لا توفي كل هذه الأشياء فأنا دائما عندي عجز".
وواصل: "العجز زي ماقال الرئيس أنا بوفيه بالقروض؛ دائما في كل انتخابات أي حد بيدخل الانتخابات عنده وعد رئاسي؛ ترامب قال مثلا أنا هقلل الضرائب أو الهجرة غير الشرعية والنهاردة الرئيس قبل الانتخابات بفترة صغيرة؛ الرئيس قال للناس أنا وعدي واضح مزيد من التنمية والمشروعات ودا اللي هقدر أعمله".
وأوضح: "اللي أنا بقوله إن أنا مش شغال عشان الجيل الموجود دة أنا كان عندي مشاكل كتيرة ودولة متهالكة وعدم استقرار وعندي كل ملف فيه عجب العجاب زي الرئيس ما استخدم التعبير دة النهاردة وأنا قررت أن مش هعمل مسكنات وهعالج الأمور من جدرها".
وأكمل: "وعده الرئاسي أنه اللي عايز يستحمل معايا هذا هو طريقي وهذه هي الإنجازات اللي قدرت اعملها وهنا اختار الرئيس الطريق الديموقرطي وأن حضرتك يا مواطن لو أنت شايف أن الطريق دة غلط روح لصندوق الانتخاب".
وذكر: "الغرض من هذا الأمر أن يكون الأمر جليا وواضحا؛ وكانت الظروف كدة والوضع كدة وأنا تقديري وهذا الامر أطالب بيه على مدى السنين؛ لازم تقول للناس الوضع ايه بالزبط والرئيس انتقد الوزراء لأنهم مش بيقولوا الوضع ايه".
واختتم: "يعلم الرئيس أنه في مصر؛ المصريين دائما يحملون الرئيس المسؤولية أي حد عنده مشكلة في أي حاجة يتحدث عن الرئيس؛ الكهرباء أو البوتجاز الرئيس مسؤول؛ وهو يعلم تماما وقال للوزراء لو سمحتوا واجهوا الناس وهو يعلم أن سياسته مش أفضل طريقة لاخذ جماهيرية في الشارع".
