عاجل| 3 مرشحين اقتربوا رسميًا من خوض سباق الرئاسة
كشف الإعلامي أحمد موسى؛ عن اقتراب 3 مرشحين محتملين لانتخابات رئاسة الجمهورية من تقديم أوراقهم بشكل رسمي للهيئة الوطنية للانتخابات.
وقال موسى خلال برنامج "على مسؤوليتي" المذاع على قناة "صدى البلد": "إحنا دلوقت عندنا 3 اقتربوا من تقديم الأوراق؛ الدكتور فريد زهران رئيس الحزب المصري الديموقراطي حصل على 20 تزكية من نواب البرلمان".
وأضاف: "الدكتور عبد السند يمامة؛ رئيس حزب الوفد حصل على 20 تزكية من البرلمان وأيضا المهندس حازم عمر رئيس حزب الشعب الجمهوري وحصل على 20 تزكية من البرلمان يبقي أحنا دلوقت عندنا 3 قاب قوسين أو أدني من التقديم للهيئة الوطنية للانتخابات اعتبارا من 5 أكتوبر اللي جاي".
وتابع: "عندنا 3 الأن اقتربوا من الترشح؛ يتبقى السيد الرئيس عبد الفتاح السيسي الإعلان الرسمي ثم تقديم الأوراق للهيئة الوطنية للانتخابات؛ أي حد تاني لا مرشح ولا شيء؛ بعض الناس بيسألوني هتستضيف سين وصاد قلت أه ولكن استضافة الناس قبل 9 نوفمبر ولا شيء".
وأكمل: "اشمعني 9 نوفمبر؟ دا اليوم اللي هيتم اعلان القائمة الرسمية النهائية للمرشحين؛ ما قبل ذلك ممكن تقعد عايز تتكلم وتسمع شوية؛ ما قبل ذلك ولا شيء عايز تسمع أفكار الناس اسمع ولكن المهم أنك تسمع أفكار المرشح".
وأوضح: "اللواء عمر سليمان بجلالة قدره معرفش يدخل انتخابات 2012 عشان 32 توكيل؛ لازم الواحد يبقي متأكد بدل ما تجيب ألف توكيل من محافظة هات 1500 أو 3 ألاف؛ أي حد عايز يخوض الانتخابات يقدر يجمع التوكيلات 25 ألف توكيل من 15 محافظة على الأقل وكل محافظة فيها ألف توكيل وممكن على توكيل واضح متدخلش الانتخابات والقانون واضح ولازم نلتزم بيه".
وذكر: "بعض الناس بيشتموا الناس ويقولك نازلين تعملوا توكيلات للرئيس؟ اللي عايز يعمل توكيلات يعمل هو احنا ضد؟ ولكن من غير تشويه أو شوشرة؛ الهيئة الوطنية للانتخابات طلعت بيان يوم الخميس ردت فيه على كل من حاولوا التشكيك".
وكانت الهيئة الوطنية للانتخابات قد أعلنت الجدول الزمني لانتخابات الرئاسة وحددت التاسع من نوفمبر القادم موعد رسمي للإعلان عن القائمة النهائية للمرشحين.
