"اتكلموا في أي حاجة إلا دي".. عمرو أديب يوجه رسالة لمرشحي الرئاسة
طالب الإعلامي عمرو أديب؛ المرشحين المحتملين لانتخابات الرئاسية المقبلة بعدم طرح مسالة عودة جماعة الإخوان الإرهابية إلى المشهد السياسي على الإطلاق.
وقال أديب خلال برنامج "الحكاية" المذاع على قناة "أم بي سي مصر": "أي مرشح رئاسي عنده اقتراحات عايز يزود الدعم عايز يشيل مجانية التعليم عايز يخلي النظام شيوعي اشتراكي ماشي عايز يخلي الدوري المصري بجمهور انا هقلب القطارات تبقي ملاهي قول اللي أنت عايزه ماعدا حاجة واحدة في حاجة واحدة بس هي خط بالنسبالي ويجب أن تكون خط واضح لكل المصريين لأن لقيتها تاني بتتسرسب وسط الكلام خدوهم معاكم شوفوا مشاكلهم؛ الاخوان المسلمين".
وأضاف: "أتكلم عن الاخوان المسلمين؛ يطلع واحد يقولك طيب بلاش تبقى جماعة دخلوهم في أحزاب ياجماعة هو في أيه ياجماعة؟ اعمل اللي أنت عايزه إلا الإخوان المسلمين؛ أنت داخل على ذكري أكتوبر دا اللي طلع الناس اللي قتلوا بكل أكتوبر واحتفل بيهم".
وتابع: "دول الناس اللي كانوا عايزين يفكوا الجيش؛ أنا مستعد كمواطن أعدى أي حاجة كمواطن؛ خدوا بالكم المرة اللي فاتت لما حكموا حكموا بعد 80 سنة دول عندهم برود غير طبيعي الراجل بتاعهم الكبرة اللي تحسه ماسك سلطانية زبادي قالك أحنا مكناش عايزين نحكم".
وواصل: "دول كذابين كذب رسمي؛ في الانتخابات الرئاسية أقف عند سعر الدولار والتعليم والصحة أنما موضوع الاخوان وحلفائهم غير مطروح؛ الجملة دايما بتاعة أصل أنا مش اخوانجي بس متعاطف معاهم؛ أنا عايز أسأل إيه أهمية الاخوان هو ربنا نزل مصر ومعاها الإخوان؛ اللي هزم الهكسوس كانوا الإخوان؟ اللي عبر أكتوبر كان الاخوان؟ الاخوان عملولكم ايه".
وأوضح: "الناس دي خدت السلم وطلعت الحكم وراحوا راميينو؛ الديموقراطية لا يستفتي عليها دي كهنوت دي مافيا لما تروح مصلحة حكومية وتلاقي واحد بتقولك أبقي خلي السيسي ينفعك".
وواصل: "هو في كام اخوانجي في البلد؟ هما مين؟ أحنا بنتكلم عن الإخوانجية واللي وراهم؛ أنا مش عايز حاجة من الدنيا خالص إلا دي؛ احنا مش كنا بنقابلهم؟ وشايفينهم وقالك 800 سنة ولولا ربنا ووقفة الناس اللي نزلت في الشارع ووقفة الجيش أنت شيلت ناس مبتتشالش".
واختتم: "هما مستعدين يدخلوا البيت عندك 10-10 أو واحد واحد ؛ الراجل اللي طلع في التلفزيون من كام يوم كان معانا في 2013 يوم الثورة خرج ازاي؟ دا قيادات الاخوان اتجابت نفر نفر ماعدا الراجل بتاع الزبادي دة؛ الإخوان ياجماعة جنسية الإخوان باسبور؛ الإخوان مش مصريين".
