"حاسس بالظلم".. عبير صلاح تعلق على أزمة الممثل هادى خفاجة

تصدرت قصة الممثل هادى خفاجة منصات السوشيال ميديا حتى تعاطف معه فريق عمل مسلسل “يوميات ونيس” حيث نشرت عبير صلاح الدين تعليقا عبر صفحتها على موقع التواصل الاجتماعى فيسبوك تدعم فيه الفنان فادى خفاجة.

وقالت عبير صلاح الدين: فادي خفاجة.. أنا مقدرة شعورك وإحساسك بالظلم، بس معلش ربنا كبير ومتعرفش الخير فين، مش يمكن يفتحلك باب رزق آخر غير التمثيل؟!.

وأضافت عبير صلاح الدين: أنا بطلب من الناس اللي بتدخل تهاجم الفنانين، فيه ممثلين محترمين والله، وقاعدين في بيتهم من غير شغل، ومنهارين نفسيًا فبلاش القسوة عليهم، دول مش ناقصين ربنا يعينهم، ارحموهم شوية بقى، ومش هتبقوا انتوا والزمن عليهم.. ربنا يعينك يا شرف الدين يا ابن ونيس.. وكل ممثلين ونيس.

وتصدر الممثل هادى خفاجة محركات البحث الأولى على جوجل، وذلك بسبب فيديو لايف قام بعمله خلال الساعات الماضية، بدأت القصة عندما بدأ هادى خفاجة فى عمل لايف طالبًا عمل وإنهار من البكاء أثناء اللايف.

قال هادى خفاجة خلال اللايف الخاص به: "مين معندوش أخطاء أجدع واحد في لايف هنا لو قعد ثانية مع نفسه هيلاقي نفسه كله أخطاء.. أقرب صديق ليا هو اللي بيهاجمني.. البني آدم الوحيد اللي كنت منتظره في غلطي يدافع عني ضربني في ضهري".

 وأضاف خلال الفيديو اللايف:"مهما قالوا متكلمش هتكلم عشان أقل حقوقي إني أشتغل.. لكن ما فيش فايدة أنا قاعد في البيت من غير شغل".

وأستكمل:" يا مخرجين ومنتجين مصر، لو العبد الله بعد العمر ده كله مشتغلش في مسلسل واتنين وتلاتة، مين اللي يشتغل يا ولاد المهنة والأصول؟، ممكن أتحدى أي مخرج أو أي شركة إنتاج بكفاءتي ودراستي وعمري وخبرتي'.

وتابع فادي خفاجة: 'والله العظيم لو قالولي بطلها لبطلها، مشكلتي إني واثق في نفسي بفضل الله، وربنا الحكم والعدل، ومطرح ما ترسي ندقلها'.