عمرو أديب: "أشرف مروان لو في السيرك مش هيعرف ينط من البلكونة"

علق الإعلامي عمرو أديب على الادعاءات الإسرائيلية بشأن أشرف مروان المستشار الإعلامي للرئيس الراحل أنور السادات.

وقال أديب خلال برنامج "الحكاية" المذاع على قناة "أم بي سي مصر": "حسني مبارك والسادات قالوا الكلام دة قال إن أشرف مروان لم يكن جاسوسا؛ كان قدام السادات يخلص وكان قدام السادات يخلص إنما مين اللي خلص؟".

وأضاف: "أنا ذهبت إلى بيت أشرف مروان في لندن؛ اللي هو في أرقى الأحياء في شقة غير طبيعية؛ لو أشرف مروان دة بيشتغل في السيرك القومي والله ما يعرف ينط من السلك بتاعه؛ أشرف مروان كان صعب يتحرك؛ عشان أشرف مروان يتحرك وينط من السور بتاع البلكونة بتاعته ويقع مفيش الكلام دة خالص".

وتابع: "اللي جاي دة تحليل مش معلومة؛ الإسرائيليين مبيسبوش تارهم؛ عملية ميونيخ فضلوا يجروا ورا 15 واحد 15 سنة لحد ما قتلوهم؛ يجي رئيس الجهاز يقول للي بعده قبل ما يمشي أنا خلصت على خمسة وباقي ستة لحد ما يجي واحد يقول أنا خلصت على الـ 15".

وأكمل: "الراجل اللي عبر ازاي يسيب واحد كان ممكن يولع في ولاده؟ الراجل اللي كان قائد للقوات الجوية ازاي يسيب واحد كان ممكن يبوظ حياته كلها؛ احنا ليه بنحب نصدق عن نفسنا الشيء السيء هما الإسرائيليين دي المرة الأولى اللي ينضحك عليهم؟ هما الإسرائيليين دي المرة الأولى اللي يكون في مواطن مصري يلعب بيهم الكورة؟".

وواصل: "هما ياجماعة الخازوق طالع من دماغهم؛ صدق مرة أننا بنقدر نعمل حاجات كويسة؛ يقولك الوثائق الإسرائيلية بتقولك أحنا مأنجزناش أوي في 1973 أمال أنت أرضك رجعت ازاي؟".

وكانت إسرائيل قد أفرجت عن عدة وثائق ادعت فيها أن أشرف مروان كان عميلا للموساد الإسرائيلي وأنه قد كشف لهم موعد الهجوم المصري والسوري في أكتوبر 1973.

واعتادت إسرائيل الدفع بهذه الادعاءات بشكل سنوي بحثا ن أي انجاز في الحرب التي خسرتها بشكل كامل والتي كانت كارثة على إسرائيل حينها.

وتوفي مروان في 27 يونيو 2007 بعد أن سقط من شرفة منزله في 24 كارلتون هاوس في منطقة جيمس القريبة من القصر الملكي البريطاني.