أحمد موسى يرد على أكاذيب سام يوسف: عميل المخابرات الأمريكية
رد الإعلامي أحمد موسى؛ على ادعاءات أحد الأشخاص على موقع التواصل الاجتماعي تويتر والذي ادعى إجراء مكالمة تليفونية جمعت موسى بأحد المفرج عنهم في قضية طائرة زامبيا.
وقال موسى برنامج "على مسؤوليتي" المذاع على قناة "صدى البلد": "اسمه سام ناشر على لساني كلام لم يحدث؛ دا كاتب؛ شيء عجيب دول عملاء أجهزة الاستخبارات ويقولك أحمد موسى عمل اتصال النهاردة مع مين؟".
وأضاف: "دي ناس بتشغلها أجهزة مخابرات؛ اللي اسمه سام دة عميل للمخابرات الأمريكية؛ فاكرين العقد المزور اللي نسبوه لقناة السويس؟ هو نفسه الولد دة ودلوقت بينسب كلام ليا محصلش؛ أنت بتنسب كلام محصلش أصلا ايه الحالة اللي عندكم دي؟".
وتابع: "اللي نشره عميل المخابرات الأمريكية دة لم يحدث؛ ولا جبنا سيرة مش عارف مين ولا اتكلمنا على كذا؛ بيتكلم على طيارة زامبيا؛ طيارة زامبيا طلع بيها بيان على وكالة أنباء الشرق الأوسط وخلاص".
وأكمل: "شوف البجاحة بيقولك أحمد موسى طلع على الهواء وعمل اتصال تليفوني واختلق واقعة لم تحدث؛ هل ممكن يشيل ويعتذر؟ ويقولك أنا أسف أنى نسبت حاجة لم تحدث؛ اسمه الدكتور سام يوسف وهو عميل المخابرات الأمريكية وبيشغوله".
وأوضح: "أمثال هؤلاء ميتسابوش؛ لأن دول بيشتغلوا أن هو في الاخر عايز يوصل رسائل للناس؛ خلي بالك الفترة الجاية احنا شغالين في الوعي ومحاولة للتأثير على الناس وهما شغالين من عشر سنين".
وواصل: "مش هنطلع نقول كلام غير اللي احنا مؤمنين بيه قدام ربنا وقدام حضراتكم؛ أنا على الهواء ويطلع بنسب كلام محصلش في البرنامج؛ امبارح كنت أجازة والخميس كنت أجازة واللي بقوله على الهواء ".
وكان المدعو سام يوسف قد كتب تغريدة على موقع التواصل الاجتماعي "أكس" تويتر سابقا أدعى خلالها قيام الإعلامي أحمد موسى باجراء مكالمة تليفونية مع أحد المفرج عنهم في قضية طائرة زامبيا وهو الامر الذي لم يحدث على الإطلاق.
واعتاد المدعو سام يوسف ترويج الاخبار الكاذبة على مواقع التواصل الاجتماعي عن مصر والدول العربية الأخرى حيث ربط البعض بينه وبين الموساد الإسرائيلي في حين أكد أخرين أنه احد عملاء المخابرات الأمريكية.
