أحمد موسى يعلق على إضراب صحفيو "بي بي سي": صدعونا بحرية الرأي والمهنية
علق الإعلامي أحمد موسى؛ على الاضراب الذي نظمه صحفيو مكتب هيئة الإذاعة البريطانية "بي بي سي" في القاهرة احتجاجا على تدني الرواتب.
وقال موسى برنامج "على مسؤوليتي" المذاع على قناة "صدى البلد": "الأسبوع اللي فات كانوا بيتكلموا على اضراب الأسبوع اللي فات بسبب تعنت الإدارة في لندن؛ زملائنا في المكتب هنا عندهم مشكلة وهي التمييز؛ يقولك خطنا أن الناس كلها زي بعض ولو كدة ليه العاملين في مكتب القاهرة مش زي اللي زيهم في دول العالم".
وأضاف: "التمييز والعنصرية؛ أزمتهم الرئيسية الأجور؛ بي بي سي عندهم مكاتب في العالم ومكتب القاهرة هو المكتب الوحيد اللي بيعامل بالجنيه المصري؛ ولما تيجي النهاردة المصري اللي هنا بيقبض بالجنيه ليه مش عايز تعاملني زي المكاتب الأخرى؟".
وتابع: "لما عملولهم امتحانات في البي بي سي وجدوا البي بي سي كذبة كبرى؛ قالولهم شعر والمهنية والمصداقية والأجور وكلنا زي بعض".
وأوضح: "لفضيحة أن صحفيين موجودين مش عايزينهم يعبروا عن رأيهم؛ يقولولهم ازاي تعبروا عن رأيكم؟ دايما بي بي سي تصدعنا بحرية الرأي والتعبير دانت زمايلك في مكتب القاهرة مش عايزهم يعبروا ومانعهم يتكلموا لوسائل الاعلام".
وواصل: "هو في أكتر من كدة منع للأصوات؟ دانت منعت الناس بتوعك يتكلموا؟ مين يصدقك؟ زمايلك دول اللي واقفين يصدقوك ازاي وانت بتقول دة؟ إدارة البي بي سي اللي بتصدع الناس طول الوقت بالرأي وقول رايك؛ ياراجل متكذبوش على الناس وقولوا عندنا خط محدد متقولش للناس حاجة وأنت زمايلك أهو".
وأكمل: "هما اللي شغالين في البي بي سي نفسهم أن عنده رأي أخر؟ ولا هو عنده الرأي اللي هو عايزه؛ الرأي اللي هو عايزه مش رأي تاني؛ خلى الناس دول يعبروا عن رأيهم ويتكلموا ويقولوا اللي جواهم".
واختتم: "تخيل يقولك متقولش اسمي وهو بيكلمك وهو اعلامي أو صحفي أو مقدم برنامج شوف للدرجادي بيعملوا معهم ايه في بي بي سي؟ اللامهنية؛ وإذا إدارة البي بي سي أنصفت زملائنا في مكتب القاهرة أنا هطلع أشكرهم وأشيد بيهم؛ لو الإدارة أنصفتهم هطلع أشيد بالبي بي سي وأنا عمري ما أشدت بالبي بي سي بالمناسبة يعني".
