أحمد موسى ينتقد تصريحات وزير التموين حول إزالة الأرز المدعم من البطاقات

انتقد الإعلامي أحمد موسى تصريحات الدكتور علي المصيلحي وزير التموين والتي أشار فيها إلى إمكانية حذف الأرز من على البطاقات التموينية.

وقال غانم في مداخلة هاتفية مع برنامج "على مسؤوليتي" المذاع على قناة "صدى البلد": "دايما نتكلم على مصر دولة منتجة للأرز وعندنا فائض في الأرز وهو موجود زراعات ومساحات ولكن فوجئت أمبارح بالدكتور علي المصيلحي كان في الأقصر امبارح وقال تصريح أنا وقفت قدامه والناس كمان واقفه قدامة".

وأضاف: "سيادة الوزير قال مفيش أرز على بطاقة التموين وقال أصل بصراحة الـ 50 جنيه لكل فرد على بطاقة التموين مبتكفيش؛ يادوب أزازة زيت وكيلو سكر ويتبقى شوية فكة فممكن تاخد مكرونة؛ كيس بستة جنيه أو ستة ونص".

وتابع: "أهالينا اللي عنده بطاقة فيها 4 أفراد ليه 200 جنيه سيادة الوزير سيبه هو حر؛ ياخد سكر ياخد رز ياخد بطاطس أنا حر؛ سيادة الرئيس مدينا 200 جنيه للاسرة أربع أفراد ولكن هل قلت الأربع أفراد ميخدوش رز ويخدوا سكر؟ أنت سيبت للمواطن الحرية حرية أنه ياخد بـ 200 جنيه السلعة اللي هو عايزها يارب ياخد بيهم كلهم سمنة".

وأوضح: "ليه أنا أقوله والله معنديش رز في بطاقة التموين وأنا دولة عندي اكتفاء ذاتي نعم؛ قولا واحد والسيد رئيس الجمهورية قال والسيد وزير التموين قال والسيد رئيس الوزراء قال؛ أنا عندي النهاردة مساحة ارز أكتر من احتياجاتي".

وأكمل: "أنت متخيل ما بين هنا وهنا تصريح زي كدة يعملنا أزمة؛ أنا كمواطن مصداقيتي كمواطن وكمسؤول؛ انا لا أشكك في نوايا الدكتور علي رجل محترم جدا ولكن في بعض التصريحات اللي بتخلينا نتوقف".

وواصل: "احنا زراعين مليون و600 ألف فدان أكتر من احتياجاتنا؛ احتياجاتنا مليون و200 ألف فدان؛ حاجة عجيبة؛ أنا عندي زيادة طيب ليه أشيله من على التموين دا النهاردة أمس الحاجة أني أخلي الرز على بطاقة التموين".

واختتم: "أنا كمواطن عندي 50 جنيه فرد واحد مش عايز سكر ولا زيت ومحتاج الرز؛ أنت بتقولي الرز متاح وليس عندي أزمة واحنا مانعين تصدير الرز والرز كله موجود للناس وكل انتاجك للسوق المحلي".