أحمد موسى يرد على الهجوم الموجه ضد مشروع توشكي
علق الإعلامي أحمد موسى على الانتقادات التي يروجها البعض لمشروع توشكي وتكرار العناصر المعادية لمصر حديثها بأن المشروع لم ينجح.
وقال موسى خلال برنامج "على مسؤوليتي" المذاع على قناة "صدى البلد": "نرجع كام سنة لورا بدأنا في أواخر التسعينيات عايزين نعمر توشكى؛ بدأت توشكي والإعلام يتكلم واتعملت ترعة واتزرعت توشكى 20-25 ألف فدان هما اللي اتعملوا في الوقت ده".
وأضاف: "كانت بداية؛ ودائما بنقول لما يبقي في إجراءات أنت بتفكر؛ هل أنت شايف الموضوع يتعمل صح أو لا ومحتاج تتجه إلى الصحراء؛ بس محتاج يكون عندك فلوس وعندك إرادة؛ أنك تعمل دة أو لا؛ بعض الناس قد تجد مشروع توشكي كان فاشلا وفضلت الناس تتكلم سنين طويلة والمشروع تعثر في فترة من الفترات وزي ما تقول كده مفيش سوء نوايا من أحد".
وتابع: "محدش عنده ترف فلوس يرميها؛ وراحت الأيام وجات ثم الرئيس عبد الفتاح السيسي وأعاد إحياء توشكي؛ بدأ المشروع يتعرض لهجوم والرئيس يتعرض لهجوم كالعادة؛ لو بتبني طوبة في أي حتة يقولك مشروع فاشل أنت بتعمله ليه؟ ليه رايحين توشكي هو أنتوا عندكم دراسات لأي مشروع؟ انتوا بتخدوا قرارات وخلاص".
وأكمل: "بتعملوا مشروعات فاشلة وتقعد تسمع الدعاية السوداء ضد البلد وفي ناس بتغذي الأدمغة دي طوال الوقت زي العيال الهربانين دول؛ طول الوقت شغال يقولك الحق توشكي فشلت مفيش حاجة في توشكي ضحكوا عليكم ولا جابت خير ولا حاجة ويقولك احنا قلنالكم توشكى فاشلة زي الدلتا الجديدة زي أي مشروع؛ بيروج لك أن كل حاجة فاشلة في البلد".
وأوضح: "حضرتك تقعد تفكر هو فعلا توشكى فشلت؟ مهم أوي تشوف هل البلد مشروعاتها منجحتش زي ما دايما يقولك مفيش حاجة نجحت؟ هل فعلا عملنا حاجة في توشكي ولا توشكى مشروع فنكوش؟ تعالي أوريكم مشروع توشكي النهاردة"
واختتم: “أنا بوريك الدولة بتشتغل ازاي؛ بكلمك على 560 ألف فدان؛ توشكي الخير ومستقبل الوطن؛ هنا في توشكي الزراعات أية الموجودة عندك؟ رقم 1-2-3 القمح؛ الأولوية هنا القمح والذرة الصفراء والشعير والبنجر عشان السكر”.
