الباز يرد على الساخرين من انضمام مصر إلى بريكس: "ناس جاهلة مغرضة"
علق الإعلامي محمد الباز؛ على التعليقات السلبية على وسائل التواصل الاجتماعي من عناصر الجماعات المعادية للدولة على انضمام مصر إلى تجمع البريكس.
وقال الباز خلال برنامج "أخر النهار" المذاع على قناة "النهار": "اللي بيمارسوا افساد البهجة في حياتنا دول مش عواجيز الفرح دول خصوم وأعداء دول ناس مش فاهمة أو ناس جاهلة أو ناس مغرضة؛ المهم أن أي حاجة بتحصل في البلد كويسة يهيلوا عليها التراب".
وأضاف: "حاصل دة بشكل كبير جدا فيما يمكن أن نعتبره خطوة كبيرة في انجاز انضمام مصر لتكتل اقتصادي كبير في دول بريكس؛ امبارح كنت منتظر كدة الخصوم هيقولوا ايه على الموضوع لأنه موضوع ميتقالش فيه حاجة لأنه في النهاية يعتبر خطوة حقيقة على الأرض تعقبها خطوات".
وتابع: "أنت عشان تستفيد من البريكس دة لازم تنتج ولكن قبولك في التكتل إلى جوار دول أخرى أنت شايف أنها عاملة شغل واقتصادها مظبوط زي السعودية والامارات وغيرها دي شهادة ليك في النهاية أنه في حاجة مظبوطة في مصر بتحصل".
وواصل: "لقيت ناس كتير كاتبين على السوشيال ميديا واحنا بنعتمد على السوشيال ميديا في كتير من معالجاتنا لأن السوشيال ميديا تعكس أحسن ما فينا وأحقر ما فينا؛ السوشيال ميديا بتستخدم طول الوقت الناس بتعبر وتقول وتتكلم وبترصد حزب افساد البهجة دة".
وأوضح: "في أعضاء في حزب افساد البهجة ناس عارفينهم لجان الكترونية وفي ناس بتهيص مع الهيصة اللي هو ناس بتقول كذا بس نقول زيهم ويمكن ميكونش دة رايه الحقيقي ولكن عايز يبان فاهم".
وذكر: "فيما يشبه حملة منظمة وممنهجة؛ تشويه المسألة وافساد فرحتك بيها وبهجتك بيها؛ تعالوا نبص كدة لبعض الكلام المكتوب والناس طول الوقت تستخدم خفة دمها؛ التعليقات هدفها تفريغ الموضوع من محتواه؛ الناس اللي عايزة تفسد أي حاجة بتحصل لجان مأمورة ومدفوعة ومستخدمة ومنتفعة أنها تقول نفس الكلام؛ طيب غيروا وكل واحد يقول حاجة".
واختتم: "في حالة متمكنة من الناس أن الشعب دة ميفرحش بأي حاجة وتعكنن عليه؛ نقول هنشتغل أو الازمة هتخلص حالة النواح اللي كانت موجودة لما كانت انقطاعات الكهربا موجودة دلوقت الأمور مستقرة محدش أتكلم؛ لما تحصل الازمة تلاقي فيه غربان بتنوح".
