نشأت الديهي يرد على تعليقات الإخوان بعد الانضمام للبريكس: "عندهم أوامر"
رد الإعلامي نشأت الديهي على تعليقات عناصر جماعة الإخوان الإرهابية بشأن انضمام مصر إلى مجموعة البريكس.
وقال الديهي خلال برنامج "بالورقة والقلم": "المذاع على قناة "تن": "ربك من عنده بعد مجهود؛ جاء طاقة نور واختيار مصر للبريكس؛ والطبيعي يتكسف على دمه ويسكت الواد محمد ناصر والواد معتز وأسامة جاويش يخدوا ساتر شوية ويرجعوا وروا وممكن يقولها خبر وخلاص".
وأضاف: "لا هو عمره ما يعمل كدة؛ أنا مكنتش متخيل أن في دي كمان يعملوا حاجة؛ وأنه خير للبلد ممكن يشككوا فيه؛ هقولكم رموز الاخوان عملت ايه واللجان عملت ايه".
وواصل: "أول حاجة احمد عطوان بيقولك أنا متفرج على مولد سيدي البريكس الذي إقامة الحناكيش والدولجية؛ أنا أول مرة أتكلم في البرنامج أقول إن دي حاجة عظيمة تدعو للفخر وأن كان في 23 دولة مقدمين واتقبل 6 دول مصر منهم".
وأوضح: "بقول لعطوان ماذا لو لم يتم اختيار مصر؛ تخيلوا معايا أن الدول الموجودة في جنوب أفريقيا اختاروا دول تانية تخيل كان هيتعمل فينا ايه؟ تخيل كان الاخوان والمرتزقة كانوا هيقولوا علينا أيه وتخيل لو كانت مصر مجاتش اسمها في البريكس كان هيقولك الدولة الفاشلة اللي ملهاش قيمة".
وأكمل: "أنا عايز كل واحد فيكم يتخيل الإجابة على سؤال بسيط؛ تخيلوا كانوا هيقولوا ايه ورغم أن مصر اختاروها اتفرجوا بيقولوا ايه".
وذكر: "الراجل الاخواني المحترم دة بيقولك يا بقر؛ الراجل متربي فعلا؛ أحمد عطوان متربي تربية محترمة؛ أنا لما أجي حتى اسخر من حد؛ بيقول يا بقر بيننا وبينكم سعر الدولار وأدى عموما رمز من رموز الاخوان؛ شايفين الحقد والكراهية والناس اللي بتكره بلدها؟ البعوض الاخواني نفس التغريدة موزعينها عليهم وعندهم تغريدة كلهم واخدينها بالأمر المباشر؛ الكتائب عندها توجيه أنها تتريق وتسخر من الانضمام إلى بريكس".
وكانت مجموعة البريكس قد وجهت الدعوة إلى مصر وخمسة دول أخرى من أجل الانضمام إلى التجمع بداية من يناير 2024.
ووقع اختيار مجموعة البريكس على مصر والسعودية والإمارات وإيران والأرجنتين وإثيوبيا من أجل الانضمام للتجمع من اجمالي 23 دولة تقدمت بطلبات للانضمام.
