سهير شلبي توجه رسالة إلى مباحث الإنترنت بعد شائعة وفاة ابنتها
عبرت الإعلامية سهير شلبي؛ عن حزنها من الشائعات التي تداولت على وسائل التواصل الاجتماعي وأشارت إلى وفات ابنتها الإعلامية سهير الشايب.
وقالت شلبي خلال برنامج "أخر النهار" المذاع على قناة "النهار": "اللي عملوا الحكاية دي اتنين مزيفين وشالوا الصفحات بتاعتهم من على الفيسبوك واحدة منتحلة اسم منى خليل وواحدة تانية منتحلة اسمي أنا سهير شلبي".
وأضافت: "أنا بطالب مباحث الانترنت العثور على الاثنين دول؛ واحدة منتحلة اسمي يعني والمذيعات حبايبي جابوا الصور وصوروا الصفحات قبل ما يحذفوها؛ عملولنا هلع طول اليوم لولادها وليا ولزميلاتها وللعيلة؛ شيء في منتهي الحقارة؛ أنا شاكة أن اللي وراهم واحدة هي اللي عاملة كدة".
وتابعت: "بطالب مباحث الانترنت أرجوكم خدولي حقي؛ أنا وبنتي مش كفاية أنها تعبانة وعاملة عملية وبتتعافى ولكن كمان يأذونا ليه كدة؟".
من جهتها علقت الإعلامية شيرين الشايب؛ على شائعة وفاتها؛ موضحة أنها بصحة جيدة وكل ما تردد عن حالتها الصحية غير صحيح على الإطلاق.
وأكملت: "أنا صحيت لقيتها بتكلمني وأنا قلتلها أنا عايشة والله؛ أنا مش عارفة بجد يخربيت التريند اللي جنن الناس؛ انا معنديش عداوات مع حد خالص وأنا أنسانه بعيش بسلام وأعتقد أنها حاجة ليها علاقة بالتريند؛ في ناس شخصيات عامة أصدقائي بتطلع عليهم الشائعات دي وأنا بقولهم متزعلوش وتقوم تيجي فيا".
وأوضحت: "أنا حاليا في مرحلة العلاج الطبيعي وحاليا في صحة جيدة وابتديت أروح الشغل وبراعي التعليمات الطبية وأنا الحمد لله كويسة؛ أنا بجد عايزة الناس تهدي شوية على السوشيال ميديا لأن كدة ممكن تأذي الناس لو سمع خبر زي ده ممكن يحصله حاجة قبل ما يتأكد من الخبر".
وواصلت: "بشكر زملائي وزميلاتي وبعتوا للست اللي طلعت الخبر ده والغريبة أنها قالتهم الخبر مش حقيقي؛ أنا بشكل كل الناس اللي أطمنوا علينا وفي كل محنة منحة".
وكانت شائعات قد تداولت على مواقع التواصل الاجتماعي تشير إلى وفاة الإعلامية شيرين الشايب أبنه الإعلامية سهير شلبي.
واعتادت بعض صفحات التواصل الاجتماعي ترويج الشائعات عن الشخصيات العامة بهدف زيادة تداول الصفحة وزيادة المتابعين.
