أحمد موسى يوضح حقيقة توقف محطة كهرباء غرب أسيوط عن العمل

أكد الإعلامي أحمد موسى أن محطة كهرباء غرب أسيوط لم تتضرر أو تتوقف عن العمل جراء انهيار سور أحد خزانات التبريد بالمحطة.

وقال موسى خلال برنامج "على مسؤوليتي" المذاع على قناة "صدى البلد": "المحطة متأثرتش والموضوع ملوش علاقة بتوليد الكهرباء؛ دي وحدات بخارية ووحدات أخرى بتدينا طاقة انتاج 1500 ميجا؛ المحطة شغالة والحوض السادس اللي حصل فيه الحادث تم توزيع المياه على الأحواض الأخرى".

وأضاف: "الأهالي بدأوا في جمع رفاة اهاليهم بعد الماية ما خدت المقابر في طريقها؛ الأهالي النهاردة محتاجين أن لازم نشوف طلباتهم بشكل واضح ويتم معالجة هذا الامر ونشوف إجراءات أن ياجماعة احنا محتاجين النهاردة كل نقطة ماية بنستخدمها".

وتابع: "لازم يتم استخدام الماية في توليد الكهرباء؛ المحطات موجودة وبتساعدنا وتسهل حياتنا في الصعيد؛ مكانش عندنا غير محطات انتاج كهرباء في الصعيد في أسوان سواء السد او خزان أسوان".

وأكمل: "لازم لجان فنية وهندسية تدرس ازاي دا حصل؛ معرفش دا اجراء لازم يتعمل ولكن الطبيعي أن نعرف ازاي دة حصل؛ أي تلفيات حصلت لازم تعويض بشكل واضح للاهالي ولازم يتعمل صور حوالين منطقة المقابر بالكامل عشان نمنع أن دة يحصل بعد كدة؛ ولازم يكون في سور حول المقابر".

وأوضح: "الماية دي ممكن تستخدم بعد إعادة معالجتها وعندنا محطة لاعادة استخدام مياه الصرف الصناعي وأعيد استخدام المياه مرة أخرى؛ عندنا نموذج موجود في البحر الأحمر ناحية مرسى علم بالصحراء الشرقية؛ عندنا أشجار مش مثمرة بتتزرع في الصحراء وتستخدم في انتاج الخشب وممكن كمان الماية دي نزرع بيها أشجار في الصحراء الموجود فيها المنطقة دي".

وواصل: "أهالينا بيحتاجوا المساندة ونشوف طلباتهم ايه ومحافظ أسيوط مع الأجهزة هيتكلموا مع المواطنين ويشوفوا متطلباتهم".

وأدى انهيار سور احد احواض التبريد في محطة كهرباء غرب أسيوط على غمر مساحات واسعة من الأراضي بمياه الصرف الصناعي الناتجة عن أعمال المحطة.

كما غمرت المياه الناتجة عن الحادث المقابر المجاورة للمحطة وهدمت أجزاء كبيرة منها مما أدى إلى تناثر رفات الموتي والتي جرفتها كميات المياه الكبيرة في طريقها.