أحمد موسى يوضح موعد انتهاء تخفيف أحمال الكهرباء

كشف الإعلامي أحمد موسى عن الموعد المتوقع لانتهاء أزمة تخفيف أحمال الكهرباء والتي بدأت في يوليو الماضي نتيجة ارتفاع درجات الحرارة ونقص الوقود.

وقال موسى خلال برنامج "على مسؤوليتي" المذاع على قناة "صدى البلد": "ملف الكهرباء بتكلم عنه كتير؛ لأنه من الملفات اللي بنتابعها من أول ثانية؛ قدامنا يمكن 12-15 يوما أو أسبوعين ومسألة تخفيف الأحمال مش هتبقي موجودة".

وأضاف: "خلال أسبوعين تقريبا بالكتير أول سبتمبر أو نص سبتمبر هنرجع لما كنا عليه من قبل؛ الدنيا استقرار في الكهرباء؛ حضراتكم متذكرين كنا بدأنا تخفيف احمال كان عندنا في اليوم 3 ألاف ميجا ووصلنا إلى 3200 وكان رقم كبير جدا".

وتابع: "الناس كانت بدأت تشتكي والحقونا ثم عدينا فترة صعبة ونزلت شوية إلى 2600 -2500 ميجا عارفين النهاردة كام؟ بندور على 1500-1600 ميجا شوف نزلنا من كام؟ دا معناه أن هناك إجراءات الدولة اخدتها مشكورة بتدخل رئاسي مشكور سيادة الرئيس دائما ينحاز لشعبه العظيم".

وواصل: "لما يقعد مع وزير البترول ووزير الكهرباء ورئيس الوزراء أن الموضوع دة يخلص؛ هندبر الفلوس دولارات محتاجين 350 مليون دولار يتدبروا؛ هو دة أمر الرئيس كان تدخل في 2014 وخلص في 2015 وخلص الموضوع والحمد لله ونرجع للماضي اللي هو مفيش تخفيف احمال".

وأوضح: "مفيش مواطن هيجي في يوم يقول عندي كهرباء قطعت؛ في إجراءات والدولة اتحركت وإجراءات اتعملت لصالح الناس؛ الدولة مفيش عندها أي اتجاه اطلاقا ولكن أزمة درجة حرارة غير مسبوقة في وقت مكانش متوقع هذا الأمر وأوروبا دخلة عليه اليومين الجاين وعندها مخاوف كمان من الحرايق وبتمتد من دولة لأخرى في الغابات وفرنسا بيحذروا وعاملين تخفيف فيما يتعلق بالماية؛ الناس اللي بينضفوا عربياتهم بالماية وري الحدائق مش دلوقت عندهم مشكلة جفاف في فرنسا".

ووصل: "إن شاء الله الأيام الجاية بالكتير اخر حاجة منتصف سبتمبر وأخر مدى منتصف سبتمبر قد يكون أخر الشهر الحالي أو أول سبتمبر وإن شاء الله تكون الأزمة دي ماضي بالنسبالنا".

وتشهد البلاد منذ يوليو الماضي تخفيف في أحمال الكهرباء بسبب تراجع انتاج المحطات نتيجة نقص الوقود بالإضافة إلى ارتفاع الاستهلاك بسبب ارتفاع درجات الحرارة.