بعد استقالة مجلس الإدارة.. أحمد موسى يوجه رسالة إلى محبي نادي الزمالك
طالب الإعلامي أحمد موسى كل أبناء نادي الزمالك بمساندة الفريق الأبيض بعد استقالة مجلس الإدارة السابق الذي واجهته كثير من المشكلات.
وقال موسى خلال برنامج "على مسؤوليتي" المذاع على قناة "صدى البلد": "النهاردة لينا وقفة مهمة؛ عندنا جمهور عظيم جمهور نادي الزمالك واللي حصل امبارح لما دخل معانا النائب سليمان وهدان وأعلن استقالة مجلس إدارة نادي الزمالك؛ النهاردة زي ما بنتكلم عن الأهلي والإسماعيلي والاتحاد وأي نادي بنتكلم عن نادي الزمالك".
وأضاف: "اليوم تم قبول الاستقالة؛ وزارة الشباب والرياضة قبلت استقالة مجلس إدارة نادي الزمالك؛ هناك أسبوع كامل من هنا لحد السبت أو الحد اللي جاي مسألة قانونية؛ اللي جاي وأنا هنا يمكن بشكل محدد لست بقي على بينه؛ مجلس إدارة نادي الزمالك وأنا اللي بتكلم من حد تاني بذل مجهود كبير خلال فترة صعبة".
وتابع: "يشكروا على اللي عملوه؛ مشاكل كبيرة وقيد لاعبين ومشكلة في البنوك وعندهم موقف كان صعب للغاية؛ الدنيا قدامهم مش قادرين يتحركوا ولا يعملوا حاجة؛ كنت حريص امبارح أسال النائب سليمان وهدان هل عليكم أي ضغوط؟ قال لا لم يحدث أبدا أي ضغط على مجلس إدارة نادي الزمالك وتاني بقولهم مشكورين على الفترة اللي فاتت".
وواصل: "الأمر المهم ليس هناك أي أمور فساد؛ الناس دي مشيوا من نفسهم ومفيش قضايا فساد مشيوا بسببها عشان محدش يسرح بعيد؛ الناس دول قرروا خلاص وصلنا لمرحلة النادي فيه مشاكل وعندنا فريق الزمالك محترم وعندك لاعيبة وقيد لاعيبة ولاعبين لازم يخدوا فلوسهم وعندك مرتبات وأجور وكل دة أنت مش عارف تعمله".
وأوضح: "تخيل في بيتك وانت محتاج مصاريف الولاد يدخلوا مدرسة؛ معندكش خالص؛ وهذه لحظة المساندة لنادي الزمالك من الكل؛ الزمالك عنده جمهور عظيم جدا واللي يعنيني جمهور نادي الزمالك المحترم".
وأكمل: "مصلحة الزمالك الأن مهمة للجميع أن هذا النادي متحصلوش أي مشاكل أو ينهار؛ مفيش كورة في مصر بدون الأهلي والزمالك؛ لما يجي النهاردة حد عايز يستغل الاستقالة واللي حصل امبارح لا انا أقولهم متشكرين كان عندهم مشاكل كبيرة كلنا بنتابعها".
واختتم: "محدش ليه مصلحة أنه يهد نادي الزمالك؛ النهاردة الزمالك مش عارف يعمل حاجة لأن عنده مشاكل وتجميد للحسابات؛ أنا اللي يعنيني النهاردة الزمالك وكل محبي نادي الزمالك؛ المجلس استقال بالكامل اتفضلوا اللي عايز يساعد الزمالك يتفضل".
