أحمد موسى يرد على أكاذيب بي بي سي حول مشاكل بالمعابر مع السودان

رد الإعلامي أحمد موسى؛ على الأكاذيب التي روجتها شبكة "بي بي سي" البريطانية حول وجود مشكلات في المعابر الحدودية مع السودان.

وقال موسى خلال برنامج "على مسؤوليتي" المذاع على قناة "صدى البلد": "تقرير عملاه بي بي سي وهو تقرير كاذب؛ وعايز أقولكم البي بي سي شغالة علينا 206 دول في العالم مصر تحتل المرتبة الأولى عندهم".

وأضاف: "البي بي سي سايبة مشاكل اللاجئين عندهم ومشاكل الناس اللي مرمية في الشارع ومركزة أوي مع حدودنا الجنوبية في معبري قسطل وأرقين؛ عملوا تقرير يحمل أكاذيب؛ البي بي سي بتدعي أن مصر لا تقدم خدمات للسائقين والناس على حدودنا الجنوبية".

وتابع: "لبي بي سي راحت قالت مفيش أدوية ومفيش أكل ومفيش ماية وأنا بقولهم أنتم كاذبون إيه بقي الحكاية؟ ما بينا وبين السودان في معبر أرقين وفي الجانب المصري والجانب السوداني وفي منطقة عازلة؛ يعدي من الجانب المصري إلى السودان سواء شاحنات بضائع أو أفراد؛ احنا عندنا إجراءات سريعة للغاية ومعندناش تعطيل أبدا".

وأكمل: "المشكلة في الحدود السودانية؛ أحيانا يقولك أحنا مش شغالين النهاردة؛ بكلمك على الواقع على الأرض؛ اللي مقالتش عليه البي بي سي؛ الجانب السوداني يقول للجانب المصري احنا مش شغالين النهاردة عندنا مشاكل أمنية".

وواصل: "قدرة الجانب السوداني لا تقارن بالقدرة الموجودة عند مصر؛ عدد اللي شغالين قليل جدا؛ أنت كمصر خلصت إجراءات الشاحنات والمنطقة دي بتروح في المنطقة بين الحدود ويقف هنا في المنطقة اللي في النص ينتظر الجانب السوداني أنه يشتغل عشان يعدي الناحية التانية".

وأوضح: "الناس ممكن تقعد بالايام طيب أنا خلصت اللي عليا نعمل ايه؟ الدولة قررت توفر احتياجات الناس تديهم ماية ووجبات أكبر؛ البي بي سي اللي كذابة على مدار الساعة كان ممكن يصوروا ده اللي جوة واللي برة؛ الدولة بدات تودي عربيات وعلاج وتدي وجبات؛ عندك متابعة طبية وعصير وماية".

واختتم: "انت قررت النهاردة تخلي الشاحنات متعدين الحدود لحين تستوعب العربيات اللي جاية يلاقي نفسه في كركر أو أبو سمبل لحد ما أقوله اتفضل تعالي".