أحمد موسى: "الأزمة الاقتصادية عاملة زعل مقبول.. ومفيش حد مبيشتكيش"

أكد الإعلامي أحمد موسى أن تأثير الأزمة الاقتصادية قد طال كافة الطبقات الاجتماعية مشيرا إلى أن الجميع يشكو من الأسعار.

وقال موسى خلال برنامج "على مسؤوليتي" المذاع على قناة "صدى البلد": "كنت بتكلم عن أهالينا النهاردة المزارعين؛ طلبهم النظرة لينا؛ دول الناس اللي هما الأيد الشقيانة اللي هو يزرع عشان يعرف يعيش".

وأضاف: "الدولة بدأت من كام سنة تدي أسعار للقمح مثلا وسعر الأردب بكام والقصب قد ايه والزر قد ايه والناس كمان عايز يقف مع البلد وأي حاجة الدولة عايزاها يعملها ولكن المزارع محتاج نظرة بسيطة".

وتابع: "أي مزارع عايز بس يبقي عايش؛ اللي بيزرع زرعة النهاردة لحد ما يزرع الجاية؛ دخل القمح هو اللي بيعيشه؛ زارع شوية خضار أو فاكهة دخلهم هو اللي بيعيشوه وفي ناس معندهمش غير حتة الأرض؛ الوضع الاقتصاد صعب واحنا ليس لدينا أزمة غير الحالة الاقتصادية".

وواصل: "الازمة الاقتصادية عاملة زعل مقبول ومفيش حد مبيشتكيش وأيا كان مين دخله ايه كله بيشتكي؛ كله زاد على كله وكله زاد ومفيش مواطن النهاردة حتى اللي مش عايز أقولكم ايه لا يتحدث عن أزمة اقتصادية وارتفاع أسعار في كل شيء".

وأكمل: "أي حاجة بتطلع بتاخد مجالها أكتر وأكتر؛ الدولة بقدر الإمكان بكرر بقدر الإمكان؛ بتحاول تقف وتساعد عشان نتجاوز الأزمة؛ الأزمة لسا قدامها شوية أه؛ احنا بس؟ لا بس احنا متأثرين أكتر عشان عندنا عدد سكان 105 مليون و9 مليون تاني يبقي العدد 115 مليون".

وأوضح: "هل دة وضع بيخلي أي حاجة بتعملها بتساعد؟ أيوة بتساعد بتزرع قمح الرئيس النهاردة بيتكلم في الأكاديمية العسكرية؛ الرئيس أتكلم على رقم 20 مليون طن قمح طيب هل عندنا الـ20 مليون؟ لا كل اللي بنخده من الناس 9 مليون تقريبا وبتستورد قدهم".

وذكر: "هنفضل نستورد قمح أيوة؛ وهل مساحة الأرض هتكفي النهاردة أنك تزودها ايوة ولكن محتاجة فلوس كتير؛ بعض المشروعات فيها حالة بطء شديد لأنك في الاخر مش عايز تعمل ضغوط زيادة".

واختتم: "الدولة بتحاول قدر الإمكان؛ موضوع الكهرباء بقي أفضل كتير من الشهر اللي فات؛ الدولة بتحاول بقدر الإمكان وفي الاخر دي بلدنا إذا احنا متحملناش؛ اللي احنا فيه النهاردة أخطر من الازمة المالية العالمية في 2008".