مصطفى بكري يكشف أسباب اشتعال حرب الشائعات ضد الدولة المصرية
كشف الإعلامي مصطفى بكري؛ أسباب زيادة الشائعات ضد الدولة المصرية والهجوم الإعلامي من بعض الصحف الأجنبية ضد الدولة.
وقال بكري خلال برنامج "حقائق وأسرار" المذاع على قناة "صدى البلد": "الأيام دي بشوف العجب؛ كمية الشائعات والاكاذيب من الذين يقولون على أنفسهم حماة الدين؛ من الذين ارتهنوا أنفسهم أن يكونوا أداة في يد الخارج ضد وطنهم؛ لما بشوف الكدب بستغرب وأي حد ممكن يبقي هدف".
وتابع: "احنا عارفين اللجان الالكترونية شغالة؛ ليه شغالة دلوقت؟ وليه العيال مبيروحوش بيوتهم دلوقتي؟ وقاعدين يخدوا دولارات ويتكلموا على كل حاجة؟ ليه؟ احنا في انتخابات رئاسية قادمة 3-4 شهور".
وواصل: "البعض يخيل له أن باللعب اللي بيحصل دة وبالتوافق مع أجهزة استخبارات إقليمية ودولية يستطيعوا أن يحولوا دون ترشح الرئيس عبد الفتاح السيسي لفترة قادمة هي حقه دستوريا وهي قراره ذاتيا إذا أراد أن يرشح نفسه".
وأكمل: "نحن على ثقة أن الرئيس سيرشح نفسه ويكمل مشروعه الوطني؛ القضية ليست قضية رئيس ولا قضية عبد الفتاح السيسي؛ القضية قضية الإرادة الشعبية؛ هذا الوطن الذي يستحق من أبنائه اصطفافا وطنيا في مواجهة كل ما يجرى".
وأوضح: "أنت بتطلعك شائعات كثيرة جدا والناس تقعد تقولك معقولة؟ دا فلان طلع بعشرة مليار؛ قدرا من العقل والتفكير؛ هو بياخدك من المساحة دي ليه هو نازل ضخ اعلامي ليه؟ ومش هو بس ولكن هو وصحف أمريكية وبريطانية وألمانية ومقالات تتكتب وفلان يقول أي كلام".
وذكر: "شغل ممنهج؛ البلد دي لازم تقع؛ البلد دي لازم نفككها تدريجيا وبدأوا يرجعوا لسيناريو 25 يناير؛ احفظ هات الناس واشحن وفي النهاية اعمل لعبتك؛ وتضع الكل أمام مأزق يا كدة يا كدة".
واختتم: "البلد دي مرت بمراحل صعبة خدت درسا وعظة وعبرة؛ الشعب المصري مش مستعد تاني يحول بلده لفوضى؛ الشعب المصري مش هيقف قدام جيشه أو شرطته؛ في حاجة اسمها تغيير سلمي عايز تترشح هات 25 ألف صوت أو 20 نائب في البرلمان؛ أي حد ينال من الدولة الدولة تفعل القانون أي حد ينال من مؤسسات الدولة؛ أنما حد مش عاجبه الرئيس أو الحكومة هو حر فليعبر عن رأيه".
