مصطفى بكري معلقا على أكاذيب الإخوان: "عالجوهم في مستشفى الخانكة"
علق الإعلامي مصطفى بكري؛ على الشائعات التي أطلقتها عناصر جماعة الإخوان الإرهابية مؤخرا بشأن عدد من الشخصيات الوطنية المصرية.
وقال بكري في خلال برنامج "حقائق وأسرار" المذاع على قناة "صدى البلد": "كنت عضو في مجلس النواب واتكلمت عن لقاء جماعة الاخوان مع مدير مخابرات احدى الدول؛ وكنت قدمت طلب احاطة في الوقت كدة وقالولي اللواء مراد موافي مدير المخابرات عايزك وقعدت معاه 3 ساعات".
وأضاف: "بعد حادث رفح؛ يوم 6 أغسطس طلع اللواء موافي بيان وقال إنه حذر من احتمال وقوع حادث في رفح وأنه ابلغ القيادة وطلع الاخوان في حملة ضده وراح شايلة محمد مرسي فجأة كدة؛ واحد زي دة كشفهم مش ناسيين اللي حصل".
وتابع: "أنا قريت الخبر دة واتصلت باللواء مراد موافي بقوله أنت فين يا فندم وفين الخمسة مليار؟ قالي أنا في الساحل؛ بالذمة دة مش عبط منكم ياجماعة؟ تطلعوا واحد اهطل منكم يقول كدة؟ ومبطلش هطل ورجع قالك اللواء شريف سيف رئيس الرقابة الإدارية السابق وقالك أهله بيبيعوا أراضيهم".
وواصل: "شريف سيف مقاتل راجل محترم صعيدي وتاريخه كله صحة بيضاء أنت تيجي تتطاول؟ وقالك الفريق صدقي صبحي خد 10 مليار دولار وطلع بيهم الطيارة وسافر؛ عارفين ليه؟ عشان صدقي صبحي دة اللي قال في فبراير 2013 ف زمن حاكمكم محمد مرسي لو الشعب المصري استدعانا بعد ثواني هنكون معاه دول أبناء المؤسسة العسكرية الشرفاء اللي مبيرتشوش ولا يبقوا خونة ضد وطنهم وبعدين قول كلام منطقي مبيقولوش وكلهم على هذا المنوال".
وأوضح: "ارجوك يا مدير مستشفى الخانكة خد الناس دي عالجها؛ كلاب بتتهم الشرفاء والمحترمين؛ وأنا النهاردة جايب لكم حاجات كدة من كلام حسام الغمري اللي كان محسوب على الاخوان وهو هيقولكم مينهما الجماعة؛ الاشاعات كتير واستهداف الرموز الوطنية كتير وهما شغالين تبع أجهزة مخابرات".
واختتم: "انت جاي تكلمني عن الشرفاء؟ ما أنت شغال في ايد أجهزة المخابرات؛ الوطني يجي يشتغل من هنا ولكن انتوا خونة؛ انتوا مجموعة هربت من هنا وقالت لأجهزة المخابرات احنا احذية في اقدامكم".
