أحمد موسى يكشف سر 48 جثة مجهولة خلال اعتصام الإخوان في رابعة
أكد الإعلامي أحمد موسى؛ أن جماعة الإخوان الإرهابية قتلت عددا من المواطنين مجهولي الهوية خلال اعتصامهم في ميدان رابعة العدوية عام 2013.
وقال موسى خلال برنامج "على مسؤوليتي" المذاع على قناة "صدى البلد": "الإخوان جايبن لي فيديو في الفيلم المفبرك اللي عملوه بقول إن أي حد يرفع السلاح في وجه الجيش والشرطة يقتل؛ وأخدوا الكلمة دي وركبوا عليها كلام تاني".
وأضاف: "في 2013 كنا بنتكلم عن المسلحين؛ أو العناصر الإرهابية اللي ماسكين سلاح بيرفعوه أمام وزارة الداخلية بأمر من النيابة العامة واللي يرفع السلاح في أي بلد في العالم ينضرب بالنار؛ لا دانت بينبه عليك مرة واتنين وتلاتة وعشرة".
وتابع: "عايز الناس تضرب وتقتل وفي الاخر الناس تسيبك يعني؟ لا طبعا؛ تواجه الإرهابي واللي كانوا موجودين في رابعة دول إيه؟ مسلحين؟ كنت بكلمكم على جثث 48 اندفنوا ومحدش يعرف عنهم حاجة لحد النهاردة؛ مشهد الجثث اللي صوروها كانت قبل الفض وأدى مراوح مشغلنها عشان الريحة بدأت تطلع؛ دي جثث الإخوان صفوهم في الميدان دول قتلوهم".
وأوضح: "لقيت حد بيقولي خد الصورة اهية؛ وأنا عرضتها في وقتها من عشر سنوات مش النهاردة؛ مصر عملت الاجراء القانوني الصحيح لا يمكن تسمح لمسلحين انهم يقتطعوا جزء من البلد حتى لو يوم دول اتسابوا 45 يوم؛ والقانون اتعمل والدولة طبقت القانون وأنت قتلت الاخوان أو قتلت أي حد أنت شكت فيه؛ كل الجثث دي كانت قبل فض الاعتصام مين اللي قتلهم؟ هما اللي بيقتلوا وكفنوا الناس وفي ناس اندفنت حتى اليوم محدش يعرف عنهم حاجة".
وواصل: "48 واحد اندفنوا في مدافن الصدقات محدش يعرفهم ولا سأل عليهم هما مين دول؟ دول جثث اتقتلوا واتكفنوا وفضلوا داخل الاعتصام بحيث عشان يجي بعد كدة يقولك الحق قتلوا ومخبين الجثث في الخيمة وحاطين حرس على الجثث".
وكانت جهات انفاذ القانون قد قامت بفض اعتصامي جماعة الإخوان الإرهابية في ميدان رابعة العدوية وميدان النهضة عام 2013 بعد قرار من النيابة العامة.
