أحمد موسى يكشف عن محرك إعلام جماعة الإخوان بالخارج
كشف الإعلامي أحمد موسى؛ عن المحرك الرئيسي للأذرع الإعلامية التابعة لجماعة الإخوان الإرهابية بالخارج والذي يطلق عليه اسم وزير إعلام الجماعة.
وقال موسى خلال برنامج "على مسؤوليتي" المذاع على قناة "صدى البلد": "كنا بقالنا تلات اربع خمس سنين أن في مسؤول بيدير شبكة الأذرع الإعلامية الإخوانية؛ الأبواق اللي ضد الدولة وضد الشعب برة؛ وطلع أيضا عناصر اخوانية في أكثر من فيديو وقالوا مين هو اللهو الخفي وقالوا أنه ولا حد يعرفه ولا في صورة ولا حد يعرفه".
وأضاف: "وقتها قلت ياجماعة خلي بالكم من دور المخابرات البريطانية والاسكريبت اللي بيتكتب ليهم؛ كله بيتكتب له وميقدرش يتكلم من دماغه وهو محتاج الفلوس هيطلع يقول أي حاجة؛ بتشغلهم المخابرات الإنجليزية وبنكشف عن اللهو الخفي اللي مسؤول واللي بيتحكم في كل الاعلام المعادي للدولة المصرية".
وتابع: "هو دة اللي بيغسل أموال التنظيم الدولي في هذه القنوات وكل فلوسهم حرام؛ تأتي من أموال حرام وأقل حاجة فيها المخدرات؛ فيها حاجة تانية هما عارفينها والواد ناصر دة أستاذ في الحكاية دي هو نسي والا أيه كناريا؟ وهو نفسه يعلن أن مرتبه غسل أموال وحرام".
وأكمل: "مين اللهو الخفي اللي بيشغلهم بالعصاية؟ ودي حاجة بسيطة بالعصاية مين هو؟ اسمه عبد الرحمن أبو ديه وده المشغل الرئيسي الأساسي وبيطلقوا عليه وزير اعلامهم ودة اللهو الخفي ودا من أصل فلسطيني ومعاه الجنسية الإنجليزية وهو رجل المخابرات الإنجليزية ودة اللي عمل شركة اسمها شركة نون من عدة سنوات".
وأوضح: "ادفع بقي واشتري ويجوا مثلا القنوات بتاعتهم يقولك والله ادينا الواد محمد ناصر كناريا مرتب 30-40 ألف جنيه إسترليني؛ يضرب رقم على الورق ودا غسل أموال؛ يجي يقولك ايه ننتج فيلم زي اللي هيعملوه دة ويقولك حاطين السيناريو وبيعرفوا يبفبركوا الحاجات كويس أوي وتلاقي حاجات متركبة كتير أوي 80% منه تركيب وما بالك الفيلم هيطلع ازاي".
واختتم: "يقولك انتاج الفيلم دة تكلفته 10 مليون جنيه إسترليني ويحط جنبها كمان صفر؛ غسل أول والتبرعات شغالة وناس مش حابة مصر بتديهم فلوس وبتدعمهم".
