مصطفى بكري: "الرئيس السيسي حظه وحش.. بنتعرض لمؤامرات من الداخل والخارج"

أكد الإعلامي مصطفى بكري؛ أن الدولة تتعرض لمؤامرات من الداخل والخارج، مشيرا إلى أن هناك كم كبير من الشائعات التي استهدفت البلاد خلال الفترة الماضية.

وقال بكري خلال برنامج "حقائق وأسرار" المذاع على قناة "صدى البلد": "إحنا ملناش إلا البلد دي؛ دي مصر ياللي مبتعرفوش مصر؛ أنتوا نبت شيطاني؛ أنتوا مبتفرقوش بين مصر وبين خلافكم السياسي لأن جواكم الحقد وعايزين البلد تخرب".

وأضاف: "يقولك الكهربا الحق أعمل أزمة يقولك الحق الماية اتقطعت؛ وغير حقيقي الكلام ده يقولك الحق هياخدوا 10 قروش على كل مكالمة وكلمت السيد وزير الاتصالات قالي غير حقيقي ايه يا أستاذ مصطفى الكلام ده".

وتابع: "أي حاجة يخدوها ويعيدوا انتاجها؛ عشان يقنعك ويوصلك وحدة واحدة ويعمل بؤر توتر هنا وهنا؛ الرهان الصحيح أن المصريين قد تعلموا الدرس يعانون ويتألمون ولديهم مشاكل جمة ومن في العالم بلا مشاكل الان؟".

وواصل: "هاتوا حد تاني ورينا هيحل يعمل ايه؛ لدينا قائد وطني يبذل المستحيل لأجل هذا البلد بتحصل أخطاء في السكة أه وفي فساد ومشاكل كتير جدا؛ في انسان يريد البلد دي تطلع لقدام أوعي تفتكر أن القيادة السياسية فرحانة فينا أنما رئيس الجمهورية ده حظه وحش جات كورونا وجات الأزمة الروسية الأوكرانية والواقع والديون".

وأكمل: "مفيش حاجة بتتحط في الجيب يا جماعة احنا بنبني بلد وبنواجه الفساد والكسل والمشاكل والمتأمرين واعدائنا اللي برة القوى اللي بتحاول تعمل حزام ناري حول مصر؛ في الجنوب السودان والغرب ليبيا وفي الشمال الشرقي سيناء ومضيق باب المندب".

وأوضح: "كلام رئيس الوزراء النهاردة تفسير كامل لما حدث؛ ليه حصلت الأزمة؟ بس الأزمة بسبب نقص المازوت بسبب احتياجنا لكميات أكبر والعملة الصعبة زي ما احنا شايفين ومع ذلك مجلس الوزراء رصد 250-300 مليون دولار للمازوت عشان نعبر الأزمة دي 15-20 يوم أو شهر أنا أتمنى بكرة تتحل ولكن الأرصاد بتقول هنفضل فوق الـ35 لمدة شهر تاني".

واختتم: "تخفيف الأحمال على قدر المستطاع ولكن الأماكن الاستراتيجية هتتوفر فيها الكهرباء نتمنى أننا نعدى أزماتنا الواحدة تلو الأخرى".