أحمد موسى يعلق على الشائعات المتداولة بشأن حقل ظهر

علق الإعلامي أحمد موسى؛ على الشائعات المتداولة في مواقع التواصل الاجتماعي والتي أشارت إلى وجود مشكلة في حقل ظهر للغاز الطبيعي بالبحر المتوسط.

وقال موسى خلال برنامج "على مسؤوليتي" المذاع على قناة "صدى البلد": "قالك أن الحقل حصل فيه تسريب للماية؛ في البير بتاع حقل ظهر وهو مش بير؛ فاكرين أن حقل ظهر قطعة أرض فضاء وفيها شوية غاز؛ الحقل في الماية اصل وبيقولك حصل تسريب للغاز".

وأضاف: "هل هناك عاقل يقول الكلام دة؟ للأسف في ناس مشيت وراء اللي بيرددوا الشائعات؟ هل هناك أزمة في حقل ظهر؟ عندنا 19 بير في الحقل والنهاردة شركة إيني الإيطاليا الحفار بتاعها واقف على البير رقم 20 واستثمارات الشركة عشان تحفر البير دة 70 مليون دولار".

وتابع: "الدنيا ماشية الحمد لله؛ والحفار بتاع شركة إيني موجود؛ هو الناس هتصرف 70 مليون دولار عشان تحفر البير رقم 20 وفي 5 شركات في الحقل عاملين استثمارات 15.6 مليار دولار؛ الرقم دة كان أكبر من الاحتياطي النقدي لمصر سنة 2013".

وواصل: "الاحتياطي سنة حكم الاخوان الخونة؛ الاستثمارات الموجودة اكبر من الاحتياطي الموجود في البنك المركزي وقتها؛ حقل ظهر شغال واستثمارات وفلوس؛ قالك أصل الإنتاج توقف؛ الإنتاج لم يتوقف ولكن في تنمية للحقول والبير مش بيفضل مدى الحياة بيفضل فترة من الزمن".

وأكمل: "هما بيعملوا كدة ليه؟ عشان يقولك حتى الخير اللي كان بيجيلك مش جاي؛ كل الشركات الموجودة ومعاهم شركة إيجاس المصرية هل الشركات دي بترمي فلوسها في البحر المتوسط وخلاص؟ والا هو عارف أن في ثروات في المكان دة".

وذكر: "صناعة البترول في أي مكان بيكون في تناقص في الأبار؛ النهاردة شركة إيني الإيطالية هتستثمر في البئر رقم 20؛ مجلس الوزراء طلعوا بيان للرد على الشائعات اللي بيحاول البعض ترويجها؛ لا تصدقوا الشائعات لن يتركوا البلد أبدا كل يوم بالشائعات".

واختتم: "أهل الشر يبقي فرحان وهو بيتكلم على أي حاجة ممكن تعمل أزمة لمصر؛ هو عائد حقل ظهر بيعود على مين؟ على الشعب والا الحكومة؟ اما يحصل مشكلة أنا كمواطن اللي بتعرض لها".