أحمد موسى يعلق على تصريحات حسام الغمري بشأن علاقة الإخوان بالمخابرات الإنجليزية
علق الإعلامي أحمد موسى، على تصريحات حسام الغمري المسؤول السابق بقناة الشرق الإخوانية، والتي أشار فيها إلى أن عناصر الجماعة الإرهابية تحركهم المخابرات الإنجليزية.
وقال موسى خلال برنامج "على مسؤوليتي" المذاع على قناة "صدى البلد": "من كام يوم عرضت كلمة حسام الغمري بتاعهم، امبارح أو أول حد من زملائي بعتلي فيديو بيتكلم فيه عن الدعوات بتاعتهم و11-11 والأكاذيب دي؛ قالك لما الناس منزلتش قالك المخابرات الإنجليزية اللي مشغلة الإخوان".
وأضاف: "دا حسام الغمري مش أنا؛ دا الراجل اللي كان بيشغل معتز مطر والواد ناصر؛ قالك دول مش بيشتغلوا من دماغهم المخابرات الإنجليزية هي اللي بتشغلهم؛ الغمري ده كان ماسك قناة الشرق وكان مسؤول عن كل حاجة فيها ومفيش حد يطلع منهم إلا لما يقوله أه أو لا يعني الواد معتز يطلع يعمل ايه النهاردة؟".
وتابع: "قالك أحنا كنا عارفين الناس مش هتنزل يوم 11 وقال أنا تاني يوم قابلت الواد معتز قبل ما ينزل البرنامج بتاعه وقالك إن الناس زعلانين أن محدش نزل وقال لقيت معتز قبل ما يدخل هوا قاله يا حسام القصة بتاعة إيلان؛ فاكرين الطفل السوري اللي غرق مع اسرته في الماية؛ قال لقيته بيقولي أن ربنا كرمنا النهاردة بقصة إيلان الطفل السوري وكرمه ربنا أنه يستغل موت طفل في البحر المتوسط عشان يبقي دا قصته عشان فشل في دعواتهم ويبقي عندهم قصة شفت بيتاجروا بأيه؟".
وأوضح: "الغمري قال حتى الموضوع صدمني؛ فشلوا في دعواتهم فياخد طفل مات ويبقي ده الحدث اللي ينسينا الفشل بتاعتنا ونستغل ونستفيد من موت طفل في البحر ويبقي دة الحدث بتاعنا شفت بيتاجروا بايه؟ قالك على فكرة معندهمش قضية ولكن قضيتهم الأساسية هي المال".
وأكمل: "حسام الغمري هو اللي بيتكلم عنهم وبيفضحهم؛ قالك لما راحوا لندن القنوات بتاعتهم؛ تكلمه على حاجة يقولك مستني الاذن من المخابرات الإنجليزية؛ الفضائح بتاعتهم أصبحت على الرأي العام؛ دا كان مسؤول قناة الشرق واحدة من أذرع قناة الاخوان الإرهابية".
واختتم: "قالك الموضوع كله سبوبة؛ بقالنا سنين بنقول الكلام ده وواحد من وسطيهم طالع يقول اللي بنقوله من سنوات طويلة".
