عمرو أديب يشيد ببيان النيابة العامة بشأن حادث سيدي براني
أشاد الإعلامي عمرو أديب، بالبيان الذي أصدرته النيابة العامة بشأن حادث سيدي براني والمتورط فيه أحد ضباط الشرطة ومجموعة من سكان المنطقة.
وقال أديب خلال برنامج "الحكاية" المذاع على قناة "أم بي سي مصر": "لغاية النهاردة الصبح كان عند أغلب المصريين قصة وحكاية غير اللي قروها وكان راسخا في ذهن المصريين قصة معينة والنهاردة النيابة العامة قالت القصة من خلال تحقيقاتها".
وأضاف: "في هذه الظروف أنا كراجل شغال في الإعلام أنا سعيد أن عندي بيان رسمي؛ كنا بنقعد وقت طويل مفيش بيان رسمي ودا البيان اللي بتقول عليه الجهات الرسمية في الدولة؛ وفي شيء عظيم أنه لو في حد عنده اعتراض على الكلام أو عنده أدلة أخرى بيقول ومن وقت البيان دة ما طلع أنا شايف أن دي القصة اللي موجودة".
وتابع: "حصل ردود فعل على الأرض في سيدي براني؛ ناس من الموجودة في المنطقة أشادوا بالبيان؛ دي المعلومات اللي عندي ومعنديش شيء أقول أصله لما طلع بالعربية وهي مجريتش؛ أنا حابب أقرأ البيان لأن غالبية الناس لا تقرأه".
وأوضح: "الكلام كله على أن في اشتباك بين المأمورية والشخص اللي كان موجود وحاول يدهس ضابط الشرطة وطلع منه الرصاص نتيجة فقط الاتزان؛ النيابة لم توفر تفصيلة وقالت كل التفاصيل اللي حدثت".
وأكمل: "هذه ليست نهاية الرحلة ونحن أمام مرحلة طويلة من البحث والتنقيب؛ في ناس تقولك النيابة قالت كذا وكذا ولكن حضرة القاضي هيشوف الفيديوهات؛ النيابة قالت في فيديوهات واللي كان اتقال إيه أن الموضوع خلص والحكاية انتهت خلاص واللي كان اتقال ايه إن الموضوع انتهي وراضوا الناس والناس وافقت؛ لم يتم اخراج الموضوع بطريقة عرفية والناس الموجودة في البلد هتراقب هذا الأمر".
واختتم: "في حد عنده قصة أخرى أو رواية أخرى؛ المحكمة يذهب ويتقدم بالمعلومات اللي عنده ويقول أن هذا الأمر فيه قصة أخرى؛ الأمر لم يتم الطرمخة عليه ولكن احنا عارفين حوادث زي دي شفناها في أمريكا وفرنسا ودائما كان في احداث تلتها؛ ودائما يكون في فرصة للتحقيق والمحكمة".
