مصطفى بكري عن حادث سيدي براني: "الدولة عمرها ما هتسكت على أي تجاوز"
أكد الإعلامي مصطفى بكري؛ أن الدولة اتخذت الإجراءات اللازمة تجاه حادث سيدي براني، مشيرا إلى أن الضابط المتورط في الواقعة قيد الحبس الاحتياطي حاليا.
وقال بكري في خلال برنامج "حقائق وأسرار" المذاع على قناة "صدى البلد": "لما بشوف أحداث موجودة؛ عندي حاجة من أتنين؛ اطنش وأغمي عنيا أو أتفاعل مع الحدث وأرد عليه؛ لما بتوضح كدولة أنا بواجه الحملات ومتسبهاش تسري".
وأضاف: "مسيبش حادث وقع في سيدي براني يسري بين الناس وأنا أخدت الإجراءات العملية؛ أنا حبست الظابط وخد مد 15 يوم والنيابة العامة عملت فعلها ولكن لازم أقول للناس أن دا حادث فردي وأن الأمور دي ممكن تبقى موجودة".
وتابع: "الناس دي ناسنا وأهلنا ومهمومين بالوطن؛ الناس بتوع المنطقة الغربية دول المشايخ والعمد والرجالة؛ أنا رحت أكتر من مؤتمر هناك؛ إيه اللي شفناه ده وإيه إيمان الناس بالبلد ده وايه رفع صور الرئيس السيسي وادراكم بالقيادة الحقيقة التي جاءت بالوقت المناسب عشان تزيل الهم اللي كان على صدورنا جميعا".
وأكمل: "أنا مدرك أن أجهزة الدولة عمرها ما هتسكت على أي تجاوز؛ احنا عندنا وزير داخلية لا يتردد في مواجهة أي حدث فردي واتخاذ كل الإجراءات القانونية وعندنا التفتيش في الداخلية بياخد كل الإجراءات".
وواصل: "الاحداث الفردية لا تؤثر على الكيانات والمؤسسات الموجودة؛ بيحصل سلوك مرفوض ولما نودي ناس في المناطق دي لازم تبقي فاهمة أهلنا في سينا ومطروح ليهم طبيعة خاصة؛ سهل جدا تتحل مشاكل كثيرة جدا؛ أسماء كتيرة الحقيقة تعالي يا فلان أحنا عندنا كذا ونقدر نعمل دة بسهولة والناس دي تيجي مش متجيش".
وأوضح: "البعض بيحاول ياخد الاحداث لسكة تانية؛ احنا اتعلمنا الدرس ومحدش هيزايد على الشرطة في وقفتها دفاعا عن هذا البلد ومحاولة احتواء كثير من الازمات والمشاكل والتعامل بهدوء مع هذه القضايا؛ كون حصل حادث وهو مدان ومرفوض والجهات المعنية واخدة إجراءاتها دا مش معناه أنه يقولك أدي الجيش وأي الشرطة تعالوا شوفوا كنتوا بتحرضوا على الناس دي ازاي".
واختتم: "أما أجي أتكلم وأقول ياجماعة أنا عندي شائعات؛ شائعات كتير وحتى حد تعبان يقولك ألحق عملوله كذا وكذا؛ لو حصلي حادثة يبقي الدولة قتلتني وقعت في الشارع يبقي الدولة اللي وقعتني؟ أيه ياجماعة راجعوا الشائعات واعرفوا الغرض منها".
