أحمد موسى يعلق على فضيحة الإخواني محمد ناصر: "المفروض تدفن نفسك"

علق الإعلامي أحمد موسى على تصريحات الاخواني الهارب حسام الغمري حول فضائح محمد ناصر ووليد البحيري التابعات لجماعة الإخوان الإرهابية.

وقال موسى خلال برنامج "على مسؤوليتي" المذاع على قناة "صدى البلد": "أنا من المرات القليلة اللي بعرف فيها فيديوهات لبتوع جماعة الاخوان الإرهابية؛ في واحد منهم اسمه حسام الغمري هربان من 2013 وكان معاهم ووسطيهم وبيقدم برامج وشغال على مصر زيه زيهم".

وأضاف: "فجأة بدأ يعمل فيديوهات يفضحهم وأول واحد فضحه كان محمد ناصر؛ وتكلم عن فضايح الواد محمد ناصر وقالك الفضيحة بتاعته قال كنت مستنى جماعة الاخوان تفصله أو تحقق معاه؛ الغمري بيفضح محمد ناصر ووليد البحيري".

وتابع: "كانوا بيعملوا كل حاجة مع بعض وكان جزء من التنظيم وجزء من أعداء البلد والعصابة؛ وحسام الغمري طلع أتكلم في تلات أربع حاجات؛ اسمعوا الأول فضيحة الواد محمد ناصر اللي طلع بيدي دروس ويتكلم في اخلاقيات دانت تدفن نفسك مش تطلع تكلم الناس؛ حسام الغمري بيفضحك".

وواصل: "احنا شايلين وحازفين وقاصين الكلام عن الحكاية؛ الغمري اخوان ويعلم زي أنا أعلم وكتير يعلموا؛ أنت مصدق أن الاخوان دول بتوع ربنا بجد؟ لا خالص حسام الغمري كنت أتوقع أنهم يحققوا مع محمد ناصر ثم يفصلوه؛ كفاية اللي حسام الغمري بيقوله عليك"

وأوضح: "الناس دول بيدلسوا على الرأي العام ومش فضيحة واحدة؛ حسام الغمري أتكلم عن واقعة وقاعد معاهم من 2013 وكل فضايحهم حسام الغمري عارفها؛ انت بترتكب الجرائم والأول لما تبقى نضيف ومحترم وعندك اخلاقيات أتكلم مع الناس عن الاخلاقيات ولو انت جواك شخص نضيف اطلع أوعظ وادي نصائح للناس".

وذكر: "انت ملوث اطلع للناس أقولهم خلوا بالكم؟ الناس عمرها لا هتصدقك ولا هتاخد بكلامك بديل بقالكم عشر سنين بتعيدوا نفس الكلام ونفس التحريض؛ إذا عشر سنين بتقول نفس الكلام ومحدش بيسمعلك".

واختتم: "هو شغال ليه؟ عشان بيقبض الحصول على المال مرتزق يعني وبيستني القرشين وشغلانته هي التحريض واللي قاله عليك حسام الغمري دة يخليك تقعد في بيتك؛ الغمري دة شكله هيعمل كتب عنهم عشان هيتكلم عن حقيقة هؤلاء وازاي باعوا مصر".