عاجل| حقيقة إلغاء بطاقات التموين واستبدالها بالكارت ذكي

كشف الإعلامي أحمد موسى حقيقة ما تردد عن نية الحكومة إلغاء بطاقة التموين التي يتسلم من خلالها مستحقي الدعم الخبز والمواد التموينية.

وقال موسى خلال برنامج "على مسؤوليتي" المذاع على قناة "صدى البلد": "بعض الأخبار نشرت النهاردة قالك هيبقي في كارت ذكي وإلغاء البطاقات ولكن بطاقات التموين موجودة ومستمرة ومفيش مشاكل خالص؛ الكارت الذكي بيتجرب ولسه بدري".

وأضاف: "بطاقات التموين زي ماهي والسلع بتاعتك زي ما هي؛ إحنا بنجرب كارت على سبيل التجربة؛ الكارت الذكي سيطبق في محافظة بورسعيد بس أولا؛ لو نجحت التجربة يطبق في محافظة تانية ولو نجحت نعممه؛ الموضوع لسه بدري ولكن تجربة بدأتها وزارة التموين من بدري عشان نوصل لأن يكون عندنا كارت ذكي".

وتابع: "البطاقة موجودة ومستمرة؛ عندنا يتم التعميم نقولك البطاقة مش موجودة ومفيش حاجة النهاردة هتلغى؛ التموين مستمر والبطاقة مستمرة؛ بطاقة التموين اللي مع حضرتك روح خد بيها تموينك وكل سلعك موجودة وحاجتك موجودة؛ الـ23 مليون بطاقة موجودة ومستمرة".

وواصل: "بعض الاخبار اللي طلعت النهاردة لم تكن دقيقة؛ في تجربة للكارت الذكي؟ نعم لأن عندنا منظومة تكنولوجية الدولة شغالة عليها إلى حين ميبقاش عندنا حاجة اسمها ورق؛ الكارت الذكي ليس بديلا للبطاقة؛ بنجرب لأن بعض الناس نشروا حاجات ليست دقيقة".

وأوضح: "بطاقة التموين اللي معاك في جيبك موجودة؛ وأنا بطمنك بس واللي بقلهولك معلومات مش رأيي ولما يبقي في حاجة شائكة لازم اسال واكلم المسؤولين عشان اشرح المعلومة الصح؛ والمعلومة الصح في كارت ذكي وهيتم تجربته لأول مرة في بورسعيد واطبع منه نصف مليون كارت؛ والكارت الذطي حضرتك هيبقي عليه كل بياناتك ومعلومات الأسرة على الكارت دة وهتروح تاخد بيه الحاجة بتاعتك".

وأكمل: "هتاخد بالكارت تأمين صحي وتموين وخدمات بريد؛ أي خدمة هتبقي على الكارت وشامل للأسرة وكل بيانات الأسرة موجودة على الكارت عشان أي خدمات بعد ذلك يتم استخدام الكارت؛ تأمين صحي أو البريد أو المعاشات".

واختتم: "الكارت متكامل؛ والدولة داخلة على تطوير منظومة الكترونية متكاملة؛ والكارت دة عندنا تكتمل المنظومة الكاملة لـ105 مليون أو أيا كان العدد يبقي كل الجمهورية تستخدمه".