"جلطة في المخ وغيبوبة كاملة".. تفاصيل الحالة الصحية لـ إيمان البحر درويش
وجهت الإعلامية سهير جودة من خلال برنامجها الستات المذاع عبر قناة النهار رسالة شديدة اللهجة إلى نجلة الفنان إيمان البحر درويش بعد التداول الكبير للصورة التي نشرتها لوالدها خلال الساعات الماضية.
وقالت: " المرض والضعف مينفعش المتاجرة بيهم أبدا دول عورة والمتاجرة بيهم جريمة فمينفعش حتى لو أنا أقرب الأقربين أحط صورة زي دي هي ممكن تكون بنته مش موفقة وممكن تكون تحت ضغط مش عايزين نجلدها كفاية اللي هي فيه ولكن بنرجو أي حد يحذف الصورة من عنده لأن مينفعش نكشف عورات الناس".
وطالبت الإعلامية مفيدة شيحة، المسئولين وخاصة وزير الصحة ومن يهمه الأمر بسرعة التحرك ومساعدة الفنان.
وأوضحت: "الناس اتخضت ومش ده الشكل اللي احنا متعودين نشوف فيه إيمان البحر درويش وأعتقد ناس كتيرة زعلت من بنته إنها نشرت الصورة دي عشان حتى لو هتبقى ذكرى فتبقى ذكرى وهو بشبابه وصحته وشياكته وجماله".
وأضافت: "اللي احنا عرفناه إن الفنان إيمان البحر درويش بيعاني من جلطة في المخ وغيبوية كاملة.. فأنا هعتبر ده عذر إن بنته نزلت الصورة دي عشان تطلب مساعدة أو تطلب دعاء أو تطلب أي حاجة نلحق بيها والدها لسبب ما أكيد هي بنت وخايفة على أبوها".
واستكملت: " احنا بنطلب طلب إنساني بحت لمن يهمه الأمر للي يقدر يساعد في إن حد يقدر يتواصل مع اسرة إيمان البحر درويش أو يعرف مكان البيت وممكن نطلب مشكورا من وزير الصحة إن احنا ننقله تحت رعاية طبية مركزة ونراعيه ونديله حقه".
أمنية البحر "ابنة الفنان إيمان البحر درويش"، أثارت حالة من الجدل، بصورة جديدة له، نشرتها عبر صفحتها في موقع فيسبوك وهو على فراش المرض، وكتبت،:"سيشهد التاريخ أن ده، بقى ايمان البحر درويش".
