"ليه الإسكندرانية زعلوا".. الباز يكشف سر لافتة "إسكندرية مش مصيف"
علق الإعلامي محمد الباز على الصورة المتداولة لشاب وفتاة يرفعون لافتة تحتوي على عبارة "إسكندرية مش مصيف" في دعوة منهم للمصيفين بعدم قضاء اجازاتهم هناك.
وقال الباز خلال برنامج "أخر النهار" المذاع على قناة "النهار": "الناس خلال الساعات اللي فاتت دي كانوا بيتكلموا عن صورة شاب وشابة من الإسكندرية متصورين وحطوا صورهم على السوشيال ميديا ومكتوب الإسكندرية مش مصيف؛ لما تبص على الصورة في أول وهلة أو التفسير السطحي للصورة تقول الشباب دول مش واخدين بالهم ومش واعيين".
وأضاف: "يعني الناس اللي بتروح تصيف دي ميروحوش يعني؟ الناس طول عمرها كانت بتروح تصيف في اسكندرية؛ ناس كتير هاجمتهم وقالت كلام يمكن يزعلهم ولكن محدش سأل سؤال هما ليه عملوا كدة؟ وهل عندهم حق؟ أن هما يعملوا كدة ويقولوا والله احنا بلدنا مش مصيف متجوش".
وتابع: "هل عندهم حق أو عندهم منطق؟ هما أكيد مش مجانين وطلعوا من الباب للطاق كدة ويقولوا مش عايزين حد يجي؛ لما تيجي تبص على المسألة وتسمع ناس كتير من اسكندرية تلاقي عندهم وجهة نظر في الحكاية دي يقولك اسكندرية مش زي الساحل الشمالي أو مش مصيف بشكل كامل دي مدينة فيها مؤسسات وموظفين وناس بتقوم يومها عادي جدا صيف شتا يعني في مدينة لها حياة كاملة مش مدينة تزدهر في الصيف".
وواصل: "زمان راس البر كنت متعرفش تعيش فيها في الصيف وفي الشتا مدينة اشباح وهي كانت قايمة على مسألة انها مصيف؛ ليه الإسكندرانية زعلوا أو عندهم مشكلة لأنك بتمشي في المدينة دي بتعيش كمصيف وتلاقي أخلاقيات المصيف والاسكندرانية شايفين مينفعش سلوكيات المصيف تبقي في مدينة زي دي".
واختتم: "ايه اللي يحصل مش الناس هتستجيب وتقولك اسكندرية مش مصيف ومحدش يجيلنا ولكن قد تكون دعوة للناس اللي بتروح اسكندرية وبيادوا بشكل معين يقولوا لا الناس عايشة في بلدهم ومدينتهم ويبقي الناس على الأقل بيقي وقت كويس في الإسكندرية يراعي أن في حقوق فيا مصيفي الأسكندرية نرجوكم أن تحافظوا على أهالي الإسكندرية ومشاعرهم الناس اللي دخلت شمال في الولد والبنت نقولهم براحة".
