تفاصيل أزمة بطل الكونغ فو عمر شتا.. وسبب عرض والدته ميدالياته للبيع

كشف محمد شتا؛ لاعب عمر بطل الكونغ فو المصري؛ تفاصيل أزمة نجله بعد عدم حصوله على التكريم المناسب رغم تحقيقه بطولة العالم في اللعبة.

وقال شتا في مداخلة هاتفية مع برنامج "صالة التحرير" المذاع على قناة "صدى البلد": "أبني شارك في 3 بطولات دولية في 5 شهور وكان في معسكر لمدة سنة؛ أما قلنا إن لاعب رفع الأثقال بغدودة هرب دا هرب عشان ايه؟ عشان عدم تكريم بلده ليه".

وأضاف: "عندنا موارد بشرية ولكن معندناش عقول إدارية رياضية؛ لاعب يجيب أول عالم ميخدش تكريم ولاعب يجب لحد السادس ياخد تكريم؟ أنا ابني بيمتحن ثانوية عامة والله أعلم هيعدي والا لا؛ احنا مستورين ومش محتاجين فلوس؛ عندنا أكاديمية تدريب صالة وأنا مدرب شغال تدريب".

وتابع: "سبب نشر الفيديو؛ أن الولد طلع من الاتحاد باليل منهار؛ وبعت لوالدته رسائل صوتية وهو منهار؛ زمايلة اتكرموا وهو لا؛ اللي معاه من التاني لحد الخامس واخدين فلوس ومكافات وأبني مخدش مكافأة عشان اللوائح؛ اللوائح عاملها بشر ولية متتغيرش اللوائح عشان نخدم ولادنا".

وأوضح: "والدته عملت الفيديو عشان حق الولد في التكريم ودرجات التفوق الرياضي المكونة من 32 درجة وقالولنا مش هياخدها عشان عدم اكتمال الميزان؛ طيب هو دة ذنبنا؟ أبني واخد أول عالم".

وفي وقت سابق عرضت والدة البطل المصري الميدالية الذهبية لبطولة العالم للشباب التي توج بها في إندونيسيا للبيع احتجاجًا على المعاملة غير اللائقة التي تعرض لها.

وقالت والدة البطل في فيديو نشرته عبر حساب والد عمر على (يوتيوب) تعليقا على الأزمة: "ابني مقهور من الظلم وقالي إنه طفش بره البلد قولتله أرجع بس هو مش قادر يستمر".

وأضافت: "مش لازم الشباب يهرب، الحقوهم وهم هنا، إبني أتظلم وأنا مقهورة زيه ومش عايزة الميدالية أنا عارضها للبيع لأعلى سعر".

وواصلت: "طلبنا مستحقاته قالوا هنلمله من زمايله، هو ده جزاؤه؟ يجب أن تقفوا بجانب ابني ساعدوه وساعدوني إنه يقعد معايا وما يسبش البلد".

وتأتي أزمة عمر شتا بعد أسابيع من أزمة لاعب رفع الأثقال أحمد بغدودة والذي ترك بعثة المنتخب في تونس وسافر إلى فرنسا احتجاجا على عدم دعمه من اتحاد اللعبة.