مصطفى بكري يكشف عن حملة إخوانية ضد القوات المسلحة بعد حادث مدينتي
أكد الإعلامي مصطفى بكري؛ أن هناك حملة ممهجة ضد القوات المسلحة تقوم بها عناصر جماعة الإخوان الإرهابية مشيرا إلى أنهم استغلوا حادث التجمع الخامس في حملتهم.
وقال بكري خلال برنامج "حقائق وأسرار" المذاع على قناة "صدى البلد": "أنا عايز أتوقف أمام الحملات اللي لم تتوقف من اليوم الأول من الحادث وتحول الأمر من جريمة فردية ارتكبها متهم سواء كان نائب أو صحفي أو دكتور أو مهندس؛ تحول الامر من جريمة فرديه إلى سعى دؤوب للاساءة للقوات المسلحة ورجالها الشرفاء".
وأضاف:: "أحنا عارفين مين اللي ورا دة؛ لو راجعت الأسماء بتاعة الناس اللي بتنزل هتلاقي هي نفس الأسماء وكل واحد عامل 30 حساب؛ منهم اللي قال إنه ابن قيادة عسكرية كبيرة والأخر قال إن هناك تعليمات بالتستر على القضية؛ جماعة الإخوان معروفة بأكاذيبها ضد الجيش والشرطة".
وتابع: "الجيش والشرطة انتصروا للشعب في 30 يونيو وكانوا حائط صد أمام سقوط الدولة الوطنية؛ الهدف يا شعب مصر يا ناسنا وأهلها ياللي لا ينقصكم الذكاء الهدف يا كل اللي عايز يعيش في بلد أمن ومستقر بعيد عن الخيانة والفوضى وأخذ الناس على نواياهم؛ الحدث احداث حالة احتقان بين الشعب والجيش والشرطة".
وأكمل: "الجيش دة هو اللي انتصر وحمى الشعب في 25 يناير ونزل وأنقذ الشعب من الحرب الأهلية اللي كان الإخوان بيعدوا ليها بعد 30 يونيو والجيش دة كنا بنستنجد بيه عشان ينقذنا وينقذ البلد اللي هتضيع تحت أقدام جماعة لا دين لها ولا مبادئ ولا إيمان بالوطن".
وأوضح: "الجيش دة اللي ضحى وقدم الدم والحياه والأرواح وأصيب ألاف منه بالعجز نتيجة رصاصة غادرة أو جريمة ارتكبت في حقه؛ الجيش دة اللي منه ألاف من البشر أولادهم اتيتموا وزوجاتهم اترملوا؛ أنا عارف أن الشعب العظيم دة مش ممكن يصدق الأكاذيب اللي زادت عن حدها".
واختتم: "الشعب اللي رفض يطلع في 11-11 وكشفهم وكشف أنه لا قيمة لهم؛ الشعب اللي اتعلم الدرس كويس أوي واللي بيعتبر ضابط الجيش والشرطة أخوه؛ جيش مصر العظيم اللي رفض يرد على الإهانات والسفالات اللي واجهته وهو بيحمي البلد في الشارع".
