أحمد موسى يكشف عدد العناصر الإرهابية التي دخلت سيناء تحت حكم الإخوان

طالب الإعلامي أحمد موسى؛ المواطنين بمواجهة الشائعات التي تطلقها جماعة الإخوان الإرهابية ضد القوات المسلحة من خلال اللجان الالكترونية.

وقال موسى خلال برنامج "على مسؤوليتي" المذاع على قناة "صدى البلد": "أنت كمان لازم تواجه الحملات والشائعات واللجان الالكترونية التي تستهدف الدولة على مدار الساعة؛ جماعة الإخوان عندهم لجان الكترونية وانت كمواطن تواجه الشائعات من نفسك".

وأضاف: "الجماعات الإرهابية كانت منتشرة في سيناء؛ في مايو 2011 كان موجود في شمال سيناء 2500 عنصر إرهابي؛ كانوا 5 أو 6 تنظيمات إرهابية؛ الرقم ارتفع في 2013 إلى 13 تنظيم إرهابي وأكتر من 12 ألف إرهابي من جوة من برة".

وتابع: "كان هناك ترتيبات مع الإخوان؛ لما أنضربت أمن الدولة في 2011 عشان يسمح للناس يدخلوا من جوه إلى سيناء عشان عايز سيناء متبقاش بتاعتك وتبقي مركز رئيسي للإرهاب الدولي؛ جولك من برة وقعدوا هناك وبيتواصلوا معاهم ويبعتهولهم مع محمد الظواهري وانطلق من المكان دة إلى كل حته".

وواصل: "انشر المجموعات الإرهابية هنا وتبدأ المجموعات تعمل استعراض عسكري وعروض عسكرية بالأعلام السوداء ومش عيب أن أقول كدة أنا بقولك حجم اللي واجهناه؛ الناس مشيت سابت بيوتها والناس دفعت تمن وأهالينا دفعت تمن شوف الالاف دول كانوا بيعملوا ايه؛ حجم التسليح والتمويل كان ايه".

وأوضح: "في عملية من العمليات تم تصفية 85 إرهابي في يوم واحد أكتر من نصفهم جنسيات أجنبية؛ جيشنا كله اتحرك وكان عندك جيش وشرطة؛ أي عدو يقرب منك عندك جيشك أه استخدم كل ما لدي من قوة وسيادة الرئيس قالها مرة؛ منتهى القوة والعنف؛ أنت هتنصر عليهم ازاي؟ كان عندك ألاف الأرهابيين اللي عندهم أكبر تسليح وعشان كدة 3 يوليو كان يوم حاسم".

وأكمل: "بيستهدفك كل يوم متسبش أي حد يقوم بتشويه قواتك المسلحة أوعى تسمح لده؛ هو عايز يعمل هزة وعمرهم ما هينجحوا؛ أنت عليك مسؤولية تاريخية أنك تحمي جيشك العظيم؛ لو معندكش جيش قوى كان الإرهاب هينتشر في مصر".

وكانت القوات المسلحة قد نجحت في تطهير شمال سيناء من العناصر الإرهابية بعد أن قامت بشن أكثر من عملية عسكرية استهدفت البنية التحتية للارهاب.