عمرو أديب يطالب بدعم مصر في مسألة اللاجئين: "عاملونا زي أردوغان"
طالب الإعلامي عمرو أديب؛ المنظمات الدولية والدول الكبرى بدعم مصر في قضية اللاجئين خاصة بعد أن استقبلت مصر ما يزيد عن 9 ملايين لاجئ من عدة دول.
وقال أديب خلال برنامج "الحكاية" المذاع على قناة "أم بي سي مصر": " مش أن الأوان نتكلم مع العالم احنا هنعمل ايه؟ مازالت مصر كريمة وتراعي المبادئ الإنسانية أنما في هذا الظرف الاقتصادي ولا أذيع سرا في مصريين كتير ابتدوا يسألوا طيب وبعدين؟".
وأضاف: "أنت دلوقت عندك تسعة وربع مليون لاجئ أنا مطلبش اتخاذ أي حاجة ضد دول ولكن أنا بسأل العالم أنتوا هتقفوا تتفرجوا علينا؟ هنعيش ازاي وهنعمل ايه؟ وسأكون حريصا اكتر؛ تركيا عندها 4.5 مليون لاجئ ومنهم 3 مليون سوري وابتدا عدد من السوريين يعودوا مرة أخرى".
وتابع: "يوم ما الدنيا تعمل كدة الرئيس أردوغان واضح جدا مع الاتحاد الأوروبي يقولهم ايه هنعمل ايه؟ ولا يعدوا؟ مصر مبتعملش كدة ولكن حقيقة الأمر مصر محتاجة معونة دولية في الموضوع؛ وبعدين هنعيش ازاي واحنا عايزين نعيشهم كمان عيشة جيدة".
وواصل: "السودان مش باين لها صاحب وليس الأن طيب أنت عملت حاجة غلط مع الناس دي هل منعتهم من الدخول؟ لا أنا لا أريد شيء منهم ولا اتحدث عنهم وأن الأوان أن مصر تكلم العالم وأن كدة مينفعش؛ هتقفوا جنبنا ولا هنعمل ايه؟ الناس دي لازم تعيش كويس أنا لا أقلل من الواجبات التي يجب أن نقدمها لاخواننا كل الموجودين في مصر على راسنا".
وأكمل: "أنا بسال العالم اللي بينظر بلا مبالاة؛ أرجو أن الحوار ينتقل من مرحلة التلميح إلى التصريح؛ أي دولة في العالم بتعمل كدة تقولك والله يا مؤسسة لاجئين يا اتحاد أوروبي يا مجلس الأمن اقفوا جنبنا".
واختتم: "أنا بكلمك على أنت شايف وسفاراتك عدة الناس واحد واحد؛ 250 ألف شخص وفي دول في أوروبا يوم ما بتاخد 100 في السنة بيتعمل لهم فرح في مجلس النواب بتاعهم أنت واخد 250 ألف غير اللي موجود ومرشحين للزيادة أهلا وسهلا وأنا لا أقترب منهم؛ عاملونا ياخي زي أردوغان والا احنا عشان دولة بتحاول قدر الإمكان انها تقسم اللقمة مع أشقائنا".
