محمد الباز يكشف أبرز رسائل الرئيس خلال مؤتمر ميثاق التمويل

كشف الإعلامي محمد الباز؛ عن رسائل الرئيس عبد الفتاح السيسي خلال مشاركته في مؤتمر ميثاق التمويل الجديد والذي أقيم في العاصمة الفرنسية.

وقال الباز خلال برنامج "أخر النهار" المذاع على قناة "النهار": "ناس كتيرة مبتبقاش شايفة إدراك الإدارة المصرية لقيمة مصر وإدراك الشعب المصري لقيمة مصر؛ ومصر طول الوقت مش عالم على العالم ولذلك حين يكون هناك مشكلة في مصر بتلاقي أطراف كتير بتحاول تتدخل لحل المشكلة".

وأضاف: "في 2016 عملت برنامج اصلاح اقتصادي وبدأ يشتغل؛ ولحد بداية 2020 شغال كويس جدا وفي نتائج كويسة جدا ولما كان الرئيس بيقول بعد سنتين هتشوفوا العجب العجاب؛ كان كلام يستند إلى حقائق موجودة على أرض الواقع أن في برنامج نمو اقتصادي ماشي بشكل كويس جدا".

وتابع: "كورونا ليست شماعة والحرب الروسية الأوكرانية ليست شماعة؛ دا غير الأزمات الخاصة اللي أنت بتواجهها لأنه أنت بتتعرض طول الوقت لحالة من التشكيك؛ حرب من الشائعات والأخبار الكاذبة بتضعف أو تنهك الجبهة الداخلية والناس تبقي عايشة في مناخ تشاؤمي وتبقي محبطة".

وواصل: "تأثير كورونا والحرب الروسية – الأوكرانية وقف عائقا أمام أنك تتقدم بنفس الخطوات اللي عملتها من ساعة ما بدأت الإصلاح الاقتصادي؛ ولولا نتائج برنامج الإصلاح الاقتصادي لحد أول 2020 مكناش في مصر قدرنا نقف على رجلينا في مواجهة الأزمات المتتالية وكنا جينا على الأرض".

وأكمل: "أنت لما بتيجي تقول دة أو بتصدره إلى العالم أنت بتشرح وضعك وبتقول رسالة واضحة أن مصر الدولة اللي بتقوم بأدوار كثيرة جدا بتشتغل ازاي؛ وهتلاقي دة بيطلعنا لطرح لأن مصر لا تذهب لمثل هذه المؤتمرات لتشكو ولكن بتوصف المشكلة وتقدم حل أو مبادرة".

واختتم: "أنت بتحط الحل؛ وبتتكلم مع صندوق النقد الدولي والمؤسسات العالمية أنه في ديون على الدول النامية والديون دي تتعاظم والتعامل الطبيعي مينفعش يبقي نفس التعامل في وقت الأزمات وهنا في ناس كتيرة جدا ممكن تاخد على مصر أدائها ومسلكها أنك بتتعامل بأخلاق في عالم لا يعرف الأخلاق ولكن هي دي سياسة مصر الأن والدبلوماسية السياسة وأنك بتحقق أكبر قدر من المكاسب دون افتعال مشاكل ودا اللي خلى الرئيس يشير لحاجة مهمة اللي هو يا جماعة أحنا مش قاعدين مستنينكم".