تامر أمين ينتقد شيرين عبد الوهاب: "الرصيد قرب يخلص"
انتقد الإعلامي تامر أمين؛ المطربة شيرين عبد الوهاب على خلفية ما قالته أمام الجماهير خلال حلفها الأخير والذي أقيم بمدينة جدة بالمملكة العربي السعودية.
وقال أمين خلال برنامج "أخر النهار" المذاع على قناة "النهار": "المتصابة في لسانها؛ وأنا بقول هذا الكلام وقلبي بيتقطع؛ أنا مش مصدق أن في موهبة عظيمة ومنحة ربانية عظيمة ربنا منحها ليها في صوتها بالشكل دة وهي تبقي مصرة تضيع دة بأيديها".
وأضاف: "طبعا عرفتوا أنا بتكلم عن مين؛ بتكلم عن المطربة والفنانة شيرين عبد الوهاب اللي بتواصل وبنجاح ساحق منقطع النظر مسلسل الزلات والغلطات على المسرح؛ مش ممكن حد يكون قاصد أنه يغلط كدة ويزعل الناس منه كدة".
وتابع: "داخلة على المسرح فقالتلهم أيه دة الجو حر أوي مش كنتوا قلتولي كنت جيت بالمايوه؟ في جدة! مش بتقول الكلام دة في مسرح في لندن أو باريس؛ الكلام دة ميتقالش على أي مسرح في أي بلد ولكن ما زاد الطين بلة أن دة في السعودية؛ رايحة للسعوديين بتقولهم الجو عندكم حر أوي كنتوا قلتولي كنت جيت بالمايوه وبعدين قالت لحد من المساعدين اجرى هاتلي فوطة".
وأوضح: "ايه الكلام دة وايه السلوك دة؟ ياجماعة طيب نعمل ايه؟ أنا بقول هذا الكلام ليس شماتة ولا كرها فيها؛ هي كصوت وحنجرة وأداء حاجة عظمة ولكن الحلو مبيكلمش رغم أنه بيكمل عند ناس تانية؛ شوفوا عمرو دياب مبيغلش وأنغام مبتغلطش ومحمد منير مبيغلطش".
وأكمل: "ليه أنتي كدة يابابا؟ طيب نعمل ايه نطفي عليكي المايك؟ والا ناخد منك الحديدة عشان نحافظ عليكي من نفسك؟ وكل الغلطات اللي قبل كدة متعلمناش منها؟ النداء الأخير إلى شيرين عبد الوهاب أرجوكي حافظي على نفسك من نفسك".
وذكر: "يابنتي أنتي حاجة حلوة متضيعيهاش من أيدك وبسبب ايه؟ بسبب أني عايزة أهزر واستظرف على المسرح؟ ربنا يهديها لنفسها ولينا لأنها قيمة كبيرة مش عايزينها تضيع لأن خلال بقي الرصيد قرب يخلص".
وأحيت الفنانة شيرين عبد الوهاب حفلا غنائيا في مدينة جدة نظمته شركة روتانا للإنتاج الفني بعد انتهاء الخلاف القائم بين الطرفين.
