محمد رياض عن ذكرياته مع 30 يونيو: شعرت بالخوف على البلد

أكد الفنان محمد رياض؛ أنه شعر بالخوف على مصر قبل ثورة 30 يونيو مشيرا إلى أن المصريين شعروا بقيمة الأمان بعد أن شعروا بافتقاده.

وقال رياض في مقابلة مع برنامج "صالة التحرير" المذاع على قناة "صدى البلد": "كنت مرعوب في 30 يونيو وقبلها حسيت أن بلدنا بتضيع؛ ولما كنت أسافر برة كنت أتباهي بأن مصر بلد الامن والأمان ومحسبناش بقيمة الأمان إلا في ساعة الخطر".

وأضاف: "احنا كنا في نعمة رهيبة؛ وفي فترة 30 يونيو أنت كنت خايف على البلد وأن مصر العظيمة دي يحصل فيها هزة لغاية لما جات 30 يونيو وأنا نزلت لقيت مصر كلها تحت".

وتابع: "الشعب المصري من صفاته ساعة الخطر بيتحمل المسؤولية؛ اللي حصل خلال سنة كان صعب كان في عداء للثقافة والفنون وكانت البلد في حالة ربكة والسنة كانت صعبة بصراحة".

وعن ذكرياته عن الفنان الراحل محمود ياسين والد زوجته قال رياض: "الأستاذ محمود ياسين رحمة الله عليه كان محب للبلد بشكل رهيب ولكن هو كان عنده أحساس أن في حاجة هتحصل وأن البلد مش هتكمل كدة؛ مصر مش هتقع وهترجع متحدة ويرجع الأمن والأمان فيها".

وأكمل: "البلد شهدت إنجازات كبيرة كلنا لامسينها ورغم الظروف الصعبة اللي المواطن تحملها؛ المواطن تحمل أمور كثيرة واحنا شايفين الطرق والمشاريع والمدن الجديدة والرقعة الزراعية اللي بتزيد؛ أنا سجلت بصوتي مرة 10 دقائق عن الطرق والمشاريع اللي حصلت في الصعيد أنا اتخضيت من كم الإنجازات اللي في الصعيد".

وأوضح: "مفيش يوم بيعدي ألا ونلاقي إنجازات بتحصل؛ بيحصل إعادة بناء للبلد وشغالين كويس جدا في البنية التحتية وفي كل شيء ويارب الفترة الاقتصادية الصعبة الحالية تعدي وأنا متفائل جدا ومن أكتر الناس المتفائلين وأنا بطبعي متفائل وأن مصر هتبقي في حته تانية رغم الصعوبات؛

واختتم: "المواطن المصري فعلا تحمل كتير وأحنا نعتبر من الطبقة المتوسطة أو فوق المتوسطة شوية وأحنا كمان تعبنا فما بالك بالناس اللي ظروفها أصعب والاسعار طبعا ولازم كمان التجار يخدوا بالهم شوية ويتقوا الله في الناس".