أحمد موسى يهاجم مجلة الإيكونوميست: "الإنجليز مش عايزين يسيبونا في حالنا"
هاجم الإعلامي أحمد موسى، مجلة الإيكونوميست البريطانية على خلفية التقرير الذي نشرته عن الأوضاع السياسية والاقتصادية في مصر.
وقال موسى خلال برنامج "على مسؤوليتي" المذاع على قناة "صدى البلد": "مجلة ألإيكونوميست؛ دي مجلة عمرها 180 سنة تقريبا؛ تتحول هذه المجلة فجأة إلى مجلات بير السلع؛ أو الصحافة الصفراء أو المأجورة أو الصحافة اللي بيدفع ليها فلوس عشان تنشر تقارير".
وأضاف: "نفس المجلة عاملة من أسبوعين تقرير إيجابي جدا عن مصر؛ عن الاقتصاد والاستثمار والمجلس الأعلى للاستثمار؛ ايه اللي اتغير في الأسبوعين دول؛ الفارق أن التقرير اللي اتنشر من يومين دة محدش كاتبه وليس عليه أسماء ألا أنه من اسكندرية".
وتابع: "مين في اسكندرية؟ حد في جهاز المخابرات البريطاني قاعد في المبني بتاعهم وبيكتب؟ هو ده الأدق؛ تقرير يحمل السواد من أول عنوانه؛ تقرير ضد مصر وضد الرئيس يتحدث عن أن الشعب مستاء من الرئيس وبيتكلم أن الناس خايفة من الفوضى اللي هتجلبها فوضى أخرى".
وأوضح: "دا المانشيت بتاع التقرير الكاذب والأسود للأكونوميست؛ التقرير في الأخر أنا أمبارح كنت بكلمكم عن إنجلترا ودورها أن مصر متخدش قرض أيام الرئيس عبد الناصر عشان تعمل تطوير لقناة السويس سنة 1958".
وأكمل: "النهاردة 18 يونيو بنحتفل بعيد الجلاء؛ أخر جندي من المستعمر الإنجليزي خرج 18 يونيو سنة 1956 وعيد الجلاء دة كنا بنخده أجازة؛ جلاء أخر جندي والنهاردة سنة 1956 كان أخر واحد من الـ 80 ألف اللي كانوا موجودين".
وواصل: "ويبدو أن الانجليز مش عايزين يسيبونا في حالنا وزي ما قلت أمبارح وقلت من 10 سنين ومن 20 سنة كتبت ده ومغيرتش رأيي في إنجلترا؛ عشان عارف أي خراب بيحصل إنجلترا وراه؛ عايزين استقرارنا؟".
