تامر أمين يعلق على واقعة مشجع الزمالك في المغرب: "أنت جبته لنفسك"
علق الإعلامي تامر أمين؛ على واقعة مشجع الزمالك الذي سافر من المغرب إلى ألمانيا لحضور مباراة الأهلي والوداد في نهائي دوري أبطال أفريقية لتشجيع الفريق المغربي.
وقال أمين خلال برنامج "أخر النهار" المذاع على قناة "ألنهار": "المشكلة بقي في اللي ملوش علاقة بالقصة وأنا رأيي أنه جاب الإهانة لنفسه بنفسه؛ أنتوا شوفتوا المصري اللي جه مخصوص من ألمانيا رغم أنه هو ليس مشجعا للأهلي ولا مشجعا للوداد؛ أنا بكلمكم عن مواطن مصري ليس مشجعا للأهلي ولا الوداد ودول طرفي المباراة".
وأضاف: "أنت لا ليك في دة ولا ليك في دة؛ أنت كدة جاي تحكها بس وجاي تغلس وتجيب لنفسك الكلام؛ فجاء وواقف لوحده وانتظر بعثة الأهلي وهي لسة بتوصل المغرب من تلات أيام وقعد قولهم هتخسروا".
وتابع: "جاي مخصوص من المانيا للمغرب عشان تشجع فرقة أنت مبتشجعهاش ومتعرفهاش؟ حاجة غريبة جدا يشاء السميع العليم والأهلي تعاملوا معاه يوميها بمنتهي ضبط النفس بعثة الأهلي كانت طالعة من المطار وهو واقف بيغيظهم وبيقولهم مفيش بطولة وهتخسروا 4-0 ومحدش كلمه".
وواصل: "يشاء السميع العليم أن الأهلي يكسب امبارح ويشاء السليم العليم أنت معاد طيارة العودة بتاعة المواطن المصري من المغرب إلى ألمانيا تبقى النهاردة الصبح نفس موعد عودة بعثة الأهلي في القاهرة فيشوفوه في المطار".
وأوضح: "في الاخر أنت اللي زعلت واتنرفزت وقلت ميصحش كدة؛ هو احنا اللي جينا جرينا شكلك؟ كنت مواطن في قاعة الترانزيت وقلنالك تعالي نغلس عليك؟ والا أنت اللي جاي من المانيا عشان تغلس على فرقة ملكش دعوة بيها في مقابل فرقة تانية ملكش دعوة بيها".
وأكمل: "ومضايق أن لاعيبة الأهلي بيحتفلوا بالكأس قدامه وقالك في الاخر الواد الصغير دة شتمني أنا عايز اسمه وهو قصده مين مصطفى شوبير قالهم ازاي يشتم حد قد أخوه".
وذكر: "قالهم أنا عايز اسمه يقوم يجيله مين؟ سيد عبد الحفيظ وربنا مديله موهبة في الكيد؛ في رأيي أنه خريج معهد الكيد الرياضي الدولي تخصص سأله وقاله عارف أسمه ايه؟ قاله زهير المترجي".
واختتم: "أنت اللي جبته لنفسك والحنا اتعلمنا زمان من أهالينا مقولة أتمنى أنك تتعلمها بعد الموقف دة؛ من تدخل فيما لا يعنيه سمع من مصطفى شوبير ما لا يرضيه".
