أحمد موسى: "روسيا لم تتأخر عنا.. كل طن قمح طلبناه حصلنا عليه"

نفى الإعلامي أحمد موسى؛ وجود مشكلة لدى الدولة المصرية في سداد أسعار شحنات القمح مشيرا إلى أن ما يتردد عن هذا الامر شائعات.

وقال موسى خلال برنامج "على مسؤوليتي" المذاع على قناة "صدى البلد": "كل شوية يطلعوا اشاعات مصر مش قادرة تسدد شحنات قمح؛ وعلى فكرة معندناش أزمة قمح خالص؛ عندنا 5 أو 6 شهور احتياطي كمان".

وأضاف: "الدولة راصدة 45 مليار جنيه للمزارعين عشان توريد القمح لهيئة السلع التموينية؛ بنستورد أيوة؛ احنا أكبر مستورد للقمح على مستوى العالم".

وتابع: "أي دولة مصر تروح لها عايزين قمح أيوة؛ أنت المستورد رقم واحد في العالم للقمح؛ لما أخد 4 مليون طن قمح من أهالينا يستفيدوا؛ السعر اليوم أفضل من السعر العالمي؛ الدولة تشتري القمح من المزارعين أكبر من السعر العالمي".

وواصل: "السعر العالمي انخفض؛ أكبر انتاج للقمح في روسيا السنادي وفي مخزون من السنة اللي فاتت قمح موجود وفي عرض كبير للقمح بقي معروض كتير منه وطالما في عرض كبير طبيعي السعر ينزل".

وأكمل: "النهاردة بدي أهالينا؛ احنا مش عايزين الكميات اللي بنجيبها كل سنة وعندنا الإنتاج المحلي في البيت؛ عندي مثلا 20 أردب؛ أديت هيئة السلع 15 وبقي عندي 5 في البيت ودول مش هتاجر فيهم هاكلهم واللي موجود في البيوت موجود في الدولة".

وأوضح: "أحنا في بيوتنا كدة جزء بتديه وجزء بنخليه في البيت واحنا بنخبز في بيتنا ولازم العيش بتاعنا وكل بيوتنا كدة نعتمد على القمح بتاعنا ونخبز في البيت".

وذكر: "دا بيوفر من الحاجات التانية ودة موجود بيوفر علينا؛ مصر مش بتتأخر وأي دولة مصر عايزة منها بتديها والدكتور علي المصيلحي وزير التموين كان بيشكر روسيا".

واختتم: "روسيا رغم كل دة متأخرتش عننا في أي شيء؛ رغم الحرب ومفيش مركب ولا طن قمح طلبته مصر من روسيا إلا أنها كانت سباقة تدينا اللي احنا عايزينه ودا سر علاقة قوية؛ ولسا اللي جاي أيه المشكلة يعني؟ هيحصل ولازم يحصل أيه كل شوية معتمد على الدولار وفي عملات تانية ماشية في العالم ".