ارتكب جريمة.. تامر أمين يعلق على أداء حكم مباراة الأهلي والوداد
عدد الإعلامي تامر أمين؛ الأخطاء التحكيمية الفجة التي ارتكبها حكم مباراة الأهلي والوداد المغربي والتي أقيمت مساء أمس في ذهاب نهائي دوري أبطال افريقيا لكرة القدم.
وقال أمين خلال برنامج "اخر النهار" المذاع على قناة "النهار": "الحقيقة أن أخطاء الحكام موجودة في كرة القدم والخطأ البشري وارد لأنه بشر بس في فرق بين الخطأ البشري والاخلال بالقانون وفي فرق بين الجريمة التحكيمية متكاملة الأركان اللي اتعملت امبارح في ستاد القاهرة".
أضاف: "اللي شفناه أمبارح جريمة تحكيمية اشترك فيها الحكم الليبي وحكام تقنية الفيديو اللي موجودين في غرفة المساعدة؛ ليه جريمة تحكيمية لأن زي ما قلت الخطأ التحكيمي بتاع أن الكرة تجاوزت الخط أو الفاول دة معاه أو ليه كل الكلام دة يمشي في اطار الخطأ البشري اللي مفروض تقنية الفيديو موجودة عشان تمنع الخطأ البشري".
وتابع: "كلمة الخطأ البشري بقت في أضيق الحدود بعد تطبيق تقنية الفيديو؛ واحد بيغلط ماشي ولكن أربعة يغلطوا يبقي فيه انة؛ ضربة الجزاء اللي مفيش حد مينفعش ميحسبهاش أة هي دوسة خفيفة بس مفيش حاجة في كرة القدم اسمها خفيفة أو تقيلة اسمها إعاقة؛ اسمها فاول جوة الـ18 تبقى ضربة جزاء".
وواصل: "القانون قال أي إعاقة منها دهش القدم تبقى ضربة جزاء ومن غير ما ترجع لتقنية الفيديو بالسينس كدة هي تتحسب؛ لاعب الوداد بيوقف الكرة فطالت منه وحسين الشحات دخل وخدها وبيحاول يلحقها".
وأوضح: "الحكم مقدرش يحسبها لأنه كان لسة حاسب قبلها ضربة جزاء خطأ قبلها بخمس دقائق حسب ضربة جزاء معرفش جابها منين وكأنه عايز يقول أنا عايز اجامل بس الفار هيلغيها".
وأكمل: "أنا مش هدخل في النوايا ولكن بما انه صفر ضربة جزاء غلط للأهلي ومش هصفر تاني بعدها بخمس دقائق وقالك هسيبها لحكام الفيديو والفيديو هيمشوا معايا وفي الغالب هتعدي".
وذكر: "ثم بقي الاضحوكة الكبرى المسرحية الهزلية بتاعة لمس لاعب الوداد للكرة وهو أخر لاعب في الفريق؛ منع الكرة من المرور والكرة رايحة لبيرسي تاو وهو كان أخر لاعب وبيرسي تاو وراه وكان هيروح هو وحارس المرمى".
واختتم: "القانون بيقول كدة لما يكون أخر لاعب ومنع الكرة بايده واللاعب اللي واخدها كان هيبقي مواجه للمرمي طرد ومش تقديرية للحكم والقانون واضح".عدد الإعلامي تامر أمين؛ الأخطاء التحكيمية الفجة التي ارتكبها حكم مباراة الأهلي والوداد المغربي والتي أقيمت مساء أمس في ذهاب نهائي دوري أبطال افريقيا لكرة القدم.
وقال أمين خلال برنامج "اخر النهار" المذاع على قناة "النهار": "الحقيقة أن أخطاء الحكام موجودة في كرة القدم والخطأ البشري وارد لأنه بشر بس في فرق بين الخطأ البشري والاخلال بالقانون وفي فرق بين الجريمة التحكيمية متكاملة الأركان اللي اتعملت امبارح في ستاد القاهرة".
أضاف: "اللي شفناه أمبارح جريمة تحكيمية اشترك فيها الحكم الليبي وحكام تقنية الفيديو اللي موجودين في غرفة المساعدة؛ ليه جريمة تحكيمية لأن زي ما قلت الخطأ التحكيمي بتاع أن الكرة تجاوزت الخط أو الفاول دة معاه أو ليه كل الكلام دة يمشي في اطار الخطأ البشري اللي مفروض تقنية الفيديو موجودة عشان تمنع الخطأ البشري".
وتابع: "كلمة الخطأ البشري بقت في أضيق الحدود بعد تطبيق تقنية الفيديو؛ واحد بيغلط ماشي ولكن أربعة يغلطوا يبقي فيه انة؛ ضربة الجزاء اللي مفيش حد مينفعش ميحسبهاش أة هي دوسة خفيفة بس مفيش حاجة في كرة القدم اسمها خفيفة أو تقيلة اسمها إعاقة؛ اسمها فاول جوة الـ18 تبقى ضربة جزاء".
وواصل: "القانون قال أي إعاقة منها دهش القدم تبقى ضربة جزاء ومن غير ما ترجع لتقنية الفيديو بالسينس كدة هي تتحسب؛ لاعب الوداد بيوقف الكرة فطالت منه وحسين الشحات دخل وخدها وبيحاول يلحقها".
وأوضح: "الحكم مقدرش يحسبها لأنه كان لسة حاسب قبلها ضربة جزاء خطأ قبلها بخمس دقائق حسب ضربة جزاء معرفش جابها منين وكأنه عايز يقول أنا عايز اجامل بس الفار هيلغيها".
وأكمل: "أنا مش هدخل في النوايا ولكن بما انه صفر ضربة جزاء غلط للأهلي ومش هصفر تاني بعدها بخمس دقائق وقالك هسيبها لحكام الفيديو والفيديو هيمشوا معايا وفي الغالب هتعدي".
وذكر: "ثم بقي الاضحوكة الكبرى المسرحية الهزلية بتاعة لمس لاعب الوداد للكرة وهو أخر لاعب في الفريق؛ منع الكرة من المرور والكرة رايحة لبيرسي تاو وهو كان أخر لاعب وبيرسي تاو وراه وكان هيروح هو وحارس المرمى".
واختتم: "القانون بيقول كدة لما يكون أخر لاعب ومنع الكرة بايده واللاعب اللي واخدها كان هيبقي مواجه للمرمي طرد ومش تقديرية للحكم والقانون واضح".
