شبهه بالتوكتوك.. هاني شنودة يطالب بسن قوانين لتنظيم استخدام الذكاء الاصطناعي

عبر الموسيقار هاني شنودة؛ عن سعادته بالحصول على جائزة الدولة التقديرية تكريما له على أعماله الفنية طوال السنوات الماضية.

وقال شنودة في مداخلة هاتفية مع برنامج "حضرة المواطن" المذاع على قناة "الحدث اليوم": "أنا مش دريان أنا عملت ايه وفجأة بعد الجائزة الأخيرة لقيت نفسي ببص ورا لقيت نفسي عامل 1500 عمل غنائي بين موسيقي تصويرية وأفلام".

وأضاف: "جائزة الدولة معناها أن الدولة بتقول احنا بنقدر مشوارك الفني دا تقدير ما بيطلوش أي تقدير في الدنيا؛ أنا اتكرمت في أمريكا والسعودية والنمسا ولكن كل الحاجات دي غير أنك تتكرم في بلدك".

وعن استخدام الذكاء الاصطناعي في الفن قال شنودة: "احنا كنا أول توكتوك دخل قلنا الشروط أن اللي يسوق يكون سنه كذا وأنه يكون خالي من الأمراض والحاجات الوحشة مكانش حصل أغراق لمصر بالتوكتوك؛ لازم المبدعين والنقابة والقانونين ومجلس الشعب يقعدوا عشان يعملوا قوانين للذكاء الاصطناعي لأن دة هيمس الماضي كمان مش الحاضر بس".

وتابع: "لو حد جاب حد من النجوم وحزمه ورقصة بالذكاء الاصطناعي مسؤولية مين؟ أنت ممكن بالذكاء الاصطناعي دة تشوه الماضي أنت ممكن تعمل عبد الناصر بيغني! لازم يكون في حدود والحدود دي لازم يحطها الناس مع بعضها".

وأوضح: "أنا بكلم رئيس اللجنة القانونية في مجلس النواب وان شاء الله هكلم النقيب عشان نجتمع ونطلع القوانين اللي تظبط الحكاية دي لأن في رموز لمصر زي عبد الحليم وأم كلثوم وعبد الوهاب لازم نحرص أن منخليهمش يغنوا حاجة بذيئة".

وأكمل: "الرموز دي مش لازم نمسها؛ أضمن أن واحد يجيب عبد الناصر ويقول بلا فلسطين بلا غيره هيطلع حفيده ويقول أمال كان واجع دماغنا ازاي؟".

وأثار الملحن عمرو مصطفى الجدل بعد أن قام بتلحين أغنية جديدة لأم كلثوم ووضع صوتها وصورتها عليها عبر تقنية الذكاء الاصطناعي بعد عقود من رحيلها.

اعلان الملحن عمرو مصطفى أثار الجدل بين مؤيد ومعارض حيث يقول المؤيدون أن إعادة أصوات كبار المطربين سوف يساعد في أن تعرفهم الأجيال الجديدة فيما يتخوف المعارضون من إمكانية الإساءة للرموز من خلال استخدام الذكاء الاصطناعي.