عمرو أديب يطالب مجلس النواب بتوجيه الحكومة في الإنفاق

طالب الإعلامي عمرو أديب، أعضاء مجلس النواب بتوجيه الحكومة في إنفاق الأموال التي تحصل عليها، معقبا: “هذا الأمر أحد أدوار المجلس بجانب التشريع”.

وقال أديب خلال برنامج "الحكاية" المذاع على قناة "أم بي سي مصر": "اللي حاصل مع الكونجرس الأمريكي أن أنا كحكومة محتاج فلوس معينة فالكونجرس بيقوله حاضر بس الفلوس دي تعالي نصرفها بالشكل ده أي مجلس نيابي في العالم جزء كبير من وظيفته أنه يقول للحكومة تصرف إزاي".

وأضاف: "الرقابة على الصرف وإزاي الفلوس تتوزع؛ بايدن الجمهوريين قالوله احنا موافقين نرفع السقف ولكن هتقلل الفلوس هنا وتعمل كدة؛ دي أمريكا مفيش مقارنة".

وتابع: "أرجع تاني للي حصل النهاردة في مجلس النواب؛ أرجوكم يا جماعة يا أعضاء مجلس النواب المحترمين هما النهاردة وافقوا خلاص على موضوع رسم التنمية؛ جزء كبير من عملكم اللي عايزين نشوفه في الفترة القادم إزاي تقنع الحكومة تصرف إزاي وتصرف فين؛ هذا الأمر مبنشوفوش كتير هو ده صعب غير إقرار القوانين؛ هما عملين إقرار القوانين ومراقبة وتوزيع الميزانية والموازنة".

وأوضح: "النهاردة في مناقشات مجلس النواب حد سأل الفلوس دي هتصرفها في ايه؟ لازم يبقي عندك رؤية؛ زورنا كتير الكونجرس وزرت أعضاء كتير في الكونجرس دول بيبقي عندهم مستشارين واحنا عندنا عقول اقتصادية محترمة ممكن تروح تقعد مع زياد بهاء الدين أو هاني توفيق تقعد مع حد تقوله احنا نناقشهم ازاي والميزانية تمشي ازاي".

وأكمل: "فكرة الاجمال اللي هو جالك القانون فاحنا عملنا شوية حاجات طفيفة اللي هو بدل ما كان 20% خليناه عشرة؛ أنتوا وافقتوا وتمام وكل ما تحصل حاجة زي دي نقعد نفكر احنا ازاي مبنشوفش جلسات مجلس النواب؛ النهاردة الناس كانت مهم تشوف الجلسات عشان تشوف الوزير بيرد ازاي فيقنع الناس أو أعضاء مجلس النواب يقنعوا ازاي".

وذكر: "لما يبقي في جلسة مهمة زي دي نشوف السجال ونشوف الوزير قال ايه هتقولي يقرا الناس عايزة تتفرج على الحاجات دي هتقولي لا والله دام يهمش كل الناس وبتاع؛ أنا كمواطن يهمني اشوف الفلوس دي هتيجي ازاي ومنين ايه هو البن المحمص واللي مش محمص وكل الأشياء العظيمة اللي حصلت النهاردة".