محمد الباز عن تعديلات قانون ضريبة الدمغة: "يساعد محدودي الدخل"
قال الإعلامي محمد الباز إن طرح الحكومة لتعديلات مشروع قانون ضريبة الدمغة يستهدف توفير التمويل لمساعدة الفئات الأكثر احتياجا.
وأضاف الباز خلال برنامج "أخر النهار" المذاع على قناة "النهار": "عايز أستعرض خريطة الحماية الاجتماعية والدعم في موازنة 2023-2024؛ أول بند 529.6 مليار جنيه لبرامج الحماية الاجتماعية وتشكل 4.5% من الناتج المحلي الإجمالي".
وأضاف: "127.7 مليار جنيه لدعم رغيف الخبز ودعم سلع البطاقة التموينية، و119.4 مليار جنيه لدعم المواد البترولية و10.2 مليار جنيه مخصصات دعم الإسكان الاجتماعي و3 مليار جنيه دعم الأدوية وألبان الأطفال و545 مليون دعم للمزارعين و202 مليار جنيه لصالح الهيئة القومية للتأمين الاجتماعي".
وتابع: "31 مليار جنيه مخصصات الأمان الاجتماعي وتكافل وكرامة، و470 مليار جنيه مخصصات الأجور والمرتبات، و3.5 مليار جنيه لتوصيل الغاز الطبيعي للمنازل، ومليار جنيه لدعم مخصصات شركات المياه".
وواصل: "الأرقام موجودة قدام حضراتكم بتقول لما الحكومة بتفكر أن تزود الضريبة؛ تقولي أنت بتدافع عن زيادة الضرايب أقولك مبدافعش عن زيادة الضرايب في المطلق ولكن لو كان هناك ظرف لتحريك الضرائب على فئات معينة عشان فئات أخرى تعيش أقولك مفيش مانع".
وأوضح: "بعضهم مثلا يعلب دور مهيج الجماهير والحقوا والحكومة والنواب متستجيبوش؛ في مصالح خاصة بتحرك ناس والناس في الشارع مش واخدة بالها؛ الحكومة واضحة عملت قانون من سنة ونص والنواب قالوا لا فالحكومة قامت بتعديلات وشالت 18 بند وقالك لا دا يمس حياة المواطن العادي".
وأكمل: "القانون مش هيخرج ألا وهو يحافظ على محدود الدخل؛ الفلوس هتتاخد من الناس اللي يقدروا عشان الناس اللي ميقدروش؛ الراجل اللي هو بيدخل ديسكو بيروح سينما لأفلام اجنبية مش هتبقي مشكلة أنه تزيد عليه شوية عشان اللي بياخد تكافل وكرامة يلاقي التمويل بتاع برنامج تكافل وكرامة".
وذكر: "هذه ظروف مؤقتة؛ وبناء عليه أنا كنت بقول ياجماعة نتكلم في ده الحكومة بتاخد من الجيب اليمين عشان تحط في الجيب الشمال؛ النهاردة نائب قالك مصلحة الضرائب تغير الشعار من مصلحتك أولا إلى جيبك أولا أيوة جيبك اللي بتاخد منه والا اللي بتحط فيه".
واختتم: "هنا المسألة مش صناعة أبطال من ورق وبطولات وهمية أنت بتشوف للي بيحصل في البلد عشان المركب تمشي واللي مبيشوفش من الغربال يبقي اعمي زي ما بيقولوا".
