الجزار صاحب مبادرة بيع اللحوم بالقطعة: "شلت الحرج عن المواطن"
كشف محمد قدري؛ جزار بمحافظة سوهاج؛ عن مبادرة لبيع اللحوم بالقطعة؛ لمواجهة الارتفاع الهائل في الأسعار مع تراجع قدرة المواطنين على الشراء.
وقال قدري في مقابلة مع برنامج "يحدث في مصر" المذاع على قناة "أم بي سي مصر": "كان لازم أعمل المبادرة؛ أنا ورثت محل الجزارة من والدي ولما سعره اللحوم كان بيزيد كان بيجي المشتري مرة في الأسبوع؛ البيع حاليا نزل إلى نسبة 20% وكيلو اللحم عندي بـ 300 جنيه".
وأضاف: "سوهاج بتصدر اللحوم لكل محافظات مصر ولو فضلت اللحمة في سوهاج كيلو اللحم مش هيزيد عن 200 جنيه؛ أنا عملت مبادرة أني أبيع بالقطعة أو بالحتة وكان معايا اخواتي والمساعدين معايا قالوا ازاي هتبيع بالحتة؟".
وتابع: "الحكاية دي اشتغلت وبقيت على مستوى الصعيد؛ والحتة عندي 60 جرام بـ 20 جنيه؛ والـ 100 جرام 27 جنيه والحمد لله الناس بتشتري؛ أنا شلت الحرج عن المواطن ممكن يكون عايز ربع كيلو ولكن بيتحرج؛ أنت تدخلي على طول تقولي عايز 3 قطع ولقيت قبول".
وأكمل: "عشان تضحي النهاردة تم العجل وصل الـ 90 ألف جنيه والكيلو بـ 140 جنيه قائم؛ واللي هيضحي السنادي مش هيكون زي كل سنة؛ أنا عملت نظام اطباق في اللحوم واللي عايز 200 أو 300 طبق بنديله؛ أنا عامل الحكاية كما لله".
وشهدت أسعار اللحوم الحمراء ارتفاعات ملحوظة خلال الفترة الحالية في الأسواق المحلية، حيث بلغ سعر الكيلو الواحد بأكثر من 350 جنيهًا والبتلو 450 جنيهًا ومن المتوقع وصوله إلى 500 جنيه على أقل تقدير قبل عيد الـضحى المبارك.
وفي وقت سابق وافقت الحكومة على استيراد 170 ألف رأس ماشية منها 45 ألف رأس عجول للذبيح الفوري، وأيضًا 105 ألف رأس عجول تسمين، من عدة دول منها تشاد رغم عدم إقبال المستهلك عليها، إضافة إلى توفير بعض رؤوس الماشية المحلية قبل قدوم عيد الأضحى.
كما توسعت الحكومة في طرح اللحوم السودانية في المنافذ التابعة لها بسعر 195 جنيه للكيلو لمحاولة احداث التوازن في الأسعار مع السوق الذي شهد ارتفاع قياسي في أسعار اللحوم.
