جمال شعبان يكشف تفاصيل حديثه مع محمد رمضان: أنا في خدمة أي حد تعبان
كشف الدكتور جمال شعبان؛ عميد معهد القلب الأسبق تفاصيل حديثه مع الممثل محمد رمضان بعد أن قامه بانتقاده على وسائل التواصل الاجتماعي بسبب صورته مع الدولارات على متن طائرة.
وقال شعبان في مداخلة هاتفية مع برنامج "صالة التحرير" المذاع على قناة "صدى البلد": "أنا كتنبت الدولارات إذا كنت مش محتاجها فنوجهها لحالات من أجل إنقاذ الحياة".
وأضاف: "هو قالي أبعتلي رقمك وكلمني النهاردة وقالي أنا بحترم الكلام اللي كتبته وأنا اللي لفت نظري الرقي في النقد وأنا أيدي في أيدك وفي خدمة أي حد تعبان وقالي أنا عملت حاجات زي الحضانات للأطفال".
وتابع: محمد رمضان قالي هيساهم في مساعدة الحالات المستعجلة وهو شاف أن دة نقد بناء بطريقة راقية؛ وأنا بأيد أننا لا نتصيد أخطاء لبعض وأننا مش جلادين ولازم يكون عندنا طريقة جيدة للحوار".
وأوضح: "كلماتي لاقت قبولا عنده وهو هيعمل جمعية خيرية؛ هو قالي أنا بعمل الخير ومبحبش أتكلم وقالي أيدي في أيدك ولو عايزين نظهر الحاجات اللي بنعملها نظهرها".
وأكمل: "بنعمل حصر للحالات الطارئة ونشوف محتاجين ايه وهو يقدر يساهم بأيه وهو يقدر يعمل حملة تبرعات رهيبة وطالما اتجه الاتجاه دة أنا متفائل وهو قالي أنا مبسوط بردود الأفعال على المستوى العربي كمان".
وواصل: "لو عملنا مؤسسة خيرية اسمه بس هيجمع التبرعات وأنا واثق أن المؤسسة دي هتخدم ناس كتير وهو أعلن استعداده وعايز ينزل ويتحرك على الأرض وعايز يحول الكلام إلى واقع على الأرض يخدم قلوب الناس وصحة المصريين
وذكر: "هو عرف أن الكلمة الطيبة كويسة وأن العمل الطيب هو اللي هيبقي؛ ودا نوع من التعاون على البر والتقوى والطبطبة على الغلابة؛ أنا كان ممكن أخليني ألطف شوية في انتقادي ولكن هو طلع بصراحة راقي ومزعلش خالص وبالعكس قالي أنت ضربت مثل وهو مزعلش من اللهجة القاسية بتاعتي".
وكان الدكتور جمال شعبان قد انتقد محمد رمضان على صفحته بموقع التواصل الاجتماعي "فيسبوك" بعد أن ظهر الممثل في صورة وبجانبه كمية من الدولارت ملقاه على كرسي على متن طائرة خاصة.
