نشأت الديهي يرد على التصريحات المنسوبة إليه حول مصنع البطاطس
رد الإعلامي نشأت الديهي؛ على التصريحات المنسوبة إليه على وسائل التواصل الاجتماعي بشأن مصنع بطاطس شرق العوينات.
وقال الديهي خلال برنامج "بالورقة والقلم" المذاع على قناة "تن": "أنا مطلعتش هوا أمبارح ولا عملت مداخلات وجيت النهاردة لقيت إبراهيم مخرج البرنامج بيسألني هو أنت طلعت هوا أمبارح أو عملت مداخلات قلتله لا ولله قالي أصل في في حملة عاملها ولاد الحرام بيتكلموا كلام عليك أن أنت قولته".
وأضاف: "اتفرج ياسيدي؛ نشأت الديهي اللي هو أنا؛ نقطتين فوق بعض يعني أنا اللي قلت؛ مصنع البطاطس المهروسة اللي عندنا مش موجود لا في ألمانيا ولا فرنسا ولا أمريكا الله عليكي يا مصر وعلى شيبسك الذهبي تريقة وسخرية يعني؛ وقولتله يمكن يا أبراهيم واحد مهبول قالي لا دا كتائب الكترونية اخوانية مكررين نفس الكلام بأكثر من أكاونت".
وتابع: "يطلع نشأت يقول يا جماعة والله ما قلت والله ما طلعت؛ هو عاجبهم كدة قولوا براحكتم قولت ياسيدي كدة؛ خلاص؛ واحد تاني أسامة جاويش بيقارن بين انتخابات تركيا وبيقول في الوقت اللي السيسي بيفتح مصانع بطاطس في شرق العوينات؛ الحقيقة أنا مندهش ومستغرب ومشمئز واحد زي أسامة جاويش اللي عامل نفسه مهني وصحفي ألمعي وبيقول كذا وكذا".
وواصل: "بقول للأخ أسامة جاويش يا اخي عيب اختشي على دمك وعلى مهنيتك واخلاقك المزعومة؛ مهو لو مفيش بطاطس ومفيش قمح ومفيش درة وطماطم وخضار وفاكهة الناس هتعيش ازاي؟ احنا بنزرع ونفتتح المزارع بتسخروا من الدولة لأنه بيسئكم أن تنتج الدولة".
وأكمل: "بنزرع أرض كانت قاحلة وبنعمل مصانع في أرض كانت بور؛ مبناحدش منكم غير التريقة؛ يقولك الصناعات العسكرية صنعنا صناعات عسكرية وصناعات هندسية وعملنا مشروعات معقدة وبنعمل مشروعات معقدة والمشروعات الغذائية مش عيب ولا حاجة نختشي منها؛ طلعت قبل كدة لما كانت القوات المسلحة بتعمل مصانع للمكرونة؛ لولا مصانع المكرونة كان عندي أزمة النهاردة والسوق وصل فين".
وتفقد الرئيس عبد الفتاح السيسي الأحد الماضي مصنع إنتاج البطاطس بشرق العوينات، حيث استمع إلى شرح على "ماكيت" تناول مكونات المشروع والعملية الإنتاجية والطاقة التخزينية.
