أحمد موسى يطالب بدعم مصطفى محمد: "شوفلك فريق تاني مش هيسيبوك "
طالب الإعلامي أحمد موسى؛ الجماهير المصرية بدعم مصطفى محمد لاعب نادي نانت الفرنسي بعد رفضه المشاركة في حملة دعم المثليين.
وقال موسى خلال برنامج "على مسؤوليتي" المذاع على قناة "صدى البلد": "فرنسا لما تيجي تكلمك عن حرية الرأي والتعبير؛ عندنا لاعب منتخبنا مصطفى محمد بيلعب في نادي نانت الفرنسي؛ والنادي عاملين حملة لدعم المثليين؛ وهو قالهم لا أنا مش هلعب الماتش دة ومش هلبس تشيرت عليه دعم المثليين؛ راجل ودكر ويستحق الدعم مننا كلنا".
وأضاف: "النادي الفرنسي قرروا أنهم يوقعوا عقوبة على مصطفى محمد لمجرد أنه عبر عن رأيه؛ مسألة أنك تدعم أو لا تدعم حرية رأي ولكن لا يعرفوا في أوروبا أو أمريكا حرية الرأي؛ هو قال رأيي تجعلني لا أشارك في دعم المثليين وديينا الإسلامي يحرم هذا الأمر وبالتالي اللي عمله مصطفى محمد النهاردة يتوافق معاه كلاعب مصري ومسلم".
وتابع: "لازم الغرب يبقي عارف أن أنت لا تجبر أي لاعب ولو كان عمل كدة يبقي ارتكب جريمة في حق نفسه وحق دينه وهو يستحق مننا الدعم أمام الحملة الشرسة التي تستهدفه حاليا وبالمناسبة أنا بطلب من مصطفى محمد وبحييه على الموقف اللي عمله لأنه ينم عن رجل مصري محترم عارف دينه بيقوله ايه".
وواصل: "مصطفى ممكن يدفع تمن غالي بس مش مهم؛ وعشان كدة بقول لمصطفى محمد من دلوقت عليك البحث عن فريق أخر لأنهم مش هيسبوك في حالك والفترة الجاية هتلاقيهم بيضايقوك؛ أنت عايز تجبره ليه عايز حاجة لن يقوم بها أبدا ما ده رأيه ودي حرية رأي ولكن أنا مش هدعم المثليين قوله خلاص رأيك حر".
وأوضح: "لما توقع عليه عقوبة معناها أن انت عايزة يساهم في دعم المثليين؛ شكرا مصطفى محمد ويستحق مننا تقدير وكل المودة والتحية والتقدير ليك وكل الناس تدعمك؛ مصطفى محمد بيمثلنا كلنا أدعموه بدل الحاجات الفارغة".
أعلن نادي نانت الفرنسي في بيان رسمي توقيع عقوبة على لاعبه مصطفى محمد بسبب رفضه المشاركة في مباراة تولوز بسبب ارتداء الفريق لقميص يدعم المثليين.
