مصر أوقفت مفاوضات الهدنة.. عمرو أديب يوضح الاستراتيجية الإسرائيلية في حرب غزة

أكد الإعلامي عمرو أديب؛ أن الاستراتيجية الإسرائيلية في الحروب التي تدخلها في قطاع غزة هي تنفيذ ما تريده من أهداف ثم اللجوء إلى أطراف لوقف الحرب.

وقال أديب خلال برنامج "الحكاية" المذاع على قناة "أم بي سي مصر": "مفيش دولة في العالم عاشت مأساة زي الشعب الفلسطيني؛ التكتيك الإسرائيلي في أي حرب أصبح واضح جدا؛ الإسرائيليين مش عايزين حرب طويلة وهما داخلين يغتالوا قادة تنظيم الجهاد الإسلامي".

وأضاف: "أكتر من 6-7 وإسرائيل عايزة أيه في الأربع خمس أيام يعملوا اللي هما عايزينه وبعدين يلجئوا إلى أطراف أنه مش عايز يكمل؛ والطرف الأخر أصبح عنده القدرة على الرد والانتقام وبنتكلم عن أكثر من 800 صاروخ انطلقوا من غزة وصحيح هي مش صواريخ قوية وفي القبة الحديدة".

وتابع: "حكاية أن صاروخ يوصل عمارة دة بالنسبة لإسرائيل كارثة وهذه المرة بقي واضح جدا فكرة استهداف الشقق؛ الإسرائيليين مش فجأة قرروا يعملوا الموضوع دة؛ هو بيستهدف شقة في عمارة واللي جوة الشقة دة قائد من قادة الجهاد الإسلامي".

وأكمل: "هما عندهم معلومات كاملة أن هذا الرجل يسكن في هذا الدور وموجود في هذا الوقت؛ في ستة أو سبعة تم استهدافهم؛ قائد الصواريخ في تنظيم الجهاد تم تصويره في درون إسرائيلي وهو ماشي في الشقة بتاعته في الشارع ودخل مبني أول ما وصل البيت الجديد تم استهداف البيت واستشهد في الحال".

وواصل: "الإسرائيليين عايزين يوقفوا الحرب بعد ما يخلصوا لأنه عارفين أنه هيتم استهدافهم بأمواج من الصواريخ واستراتيجية الاخوة الفلسطينيين أنهم يبعتوا أمواج من الصواريخ".

وذكر: "المصريين قالوا لا أنتوا وعدتوا من يومين بوقف أطلاق النار ودة محلصش واحنا هننسحب بقي دلوقت؛ لأن الوسيط المصري بيروح للفلسطينيين يقولوا ليهم احنا عندنا موافقة من الإسرائيليين بوقف إطلاق الناس وفجأة الإسرائيليين يضربوا لما يجيلهم معلومات استخباراتية".

واختتم: "المصريين قالوا إنهم هيهدوا من جهودهم لوقف إطلاق النار؛ الإسرائيليين عندهم خنادق؛ وأنا رحت غزة وهي كثافة سكانية كبيرة والمواطن الفلسطيني في غزة محاصر ولا يوجد مكان تقدر تختبئ فيه وأنت هتصاب ويتم استهدافك".