أحمد موسى يطالب المصريين بمساندة الدولة: "عايزينك متتحملش وتخربها"

أكد الإعلامي أحمد موسى؛ أن الإعلام المعادي ومن يدعمونه من الدول والأجهزة لازالوا يحاولون هدم الوطن وإيقاف عملية البناء التي تشهدها الدولة.

وقال موسى خلال برنامج "على مسؤوليتي" المذاع على قناة "صدى البلد": "الاعلام المعادي مش عايزك تستقر ولا الدول والأجهزة اللي بتشغلهم؛ أنا كمواطن دوري أساعد البلد؛ في فاتورة صعبة واحنا جزء من منظومة عالمية وكل دة تحملناه وبنتحمله والتحدي أكبر من تخيل أي حد".

وأضاف: "مش كل ما هو معروف يتقال؛ أنا بحاول قدر الإمكان أوصل أن هناك تحديات تواجه الدولة والشعب المصري لم تحدث؛ مش لازم الحاجات تتقال وتتعرف؛ أنا كمواطن عليا دور أتحمل بلدي هو عايزك متتحملش عايزك تخربها زي ما خربت قبل كدة".

وتابع: "اللي حصل قبل كدة خراب؛ مكانش في بناء في مصر من 2011 إلى 2013 والإرهاب كان شغال؛ تطلع التقارير الدولية كل شوية يقولك مش عارف البلد دي رايحة فين؛ هما بيقولوا دة ومعندهمش كلام تاني ألا دة؛ الدولار هيبقي بكام والدهب هيبقي بكام".

وأوضح: "هل الدولة دي كانت بتنتج وبتصدر بـ 50مليار دولار قبل كدة؟ محصلتش يعني؛ النهاردة بنحول الصحراء إلى أراضي خضراء مزوعة عشان اسد العجز من الدرة الصفراء والزيوت اللي بنستورد 97% منها من برة؛ مبادرة ابدأ والمشروعات اللي بتتم النهاردة جزء من الموضوع".

وأكمل: "مشروعات وسائل النقل الخفيفة وتتعمل هنا بدل ما أستورد من برة؛ أوفر حاجة على حاجة تلاقي بتوفر من فاتورة الاستيراد الصعبة؛ مش هنوقف الاستيراد ولكن على الأقل أقلل فاتورة الاستيراد بدل ما تبقي 80 ما تبقي 40".

وواصل: "الرئيس والمهندس كامل الوزير كان بيتكلم عن توطين صناعة السفن التجارية في مصر بالتعاون مع الجانب الكوري؛ العربيات الكهربا أنت عايز تعملها هنا وبتوطن الصناعات؛ الرئيس مهتم بالمنتج المحلي أخباره ايه عندكم؟ ويقول ليه معملوش كله في مصر ويبقي انتاج محلي 100%".

واختتم: "دا معناه أن الناس بتشتغل أكتر ومعناه أنه بوفر اللي بستورده من برة؛ أنت بتعمل دة وهو بيحاربك وهما مش ساكتين ومش هيسكتوا".